NA SAME 125 - Vakavakadewa Makawa

A nodra vinaka ko ira era vakararavi vua na Kalou, 1-3. Sa ia na masu, 4,5. A Same ni cabecabe.

¹ O ira era sa vakararavi vei Jiova Era na vaka na ulu-ni-vanua ko Saioni, o koya sa sega ni yavavala rawa, ka sa tu ga me sega ni mudu.

² Me vaka sa voliti Jerusalemi na veiulu-ni-vanua, Sa voliti ira vakakina na nona tamata ko Jiova, Mai na gauna oqo ka yacova na gauna kecega.

³ Ni na sega ni tiko na nodra i titoko nai valavala ca e na nodra vanua na caka dodonu; De ra yatova na ka ca ko ira na caka dodonu.

⁴ Mo ni caka vinaka, Jiova, vei ira era sa vinaka, Vei ira sa dodonu na yalodra.

⁵ Ia ko ira era sa vuki tani ki na nodra i valavala tatakelokelo, Ena kauti ira vata kei ira na daucaka cala ko Jiova: Ia me yaco ga na vakacegu vei ira na Isireli!