NA SAME 122 - Vakavakadewa Makawa

Sa marau ko Tevita e na vuku ni vale ni soro, 1-5, ka sa kerea na vakacegu, 6-9. A Same ni cabecabe; a nei Tevita.

¹ Au a reki ni ra kaya vei au, Tou mai lako ki na vale i Jiova.

² Ena tu na yava i keimami E loma ni nomu matamata-ni-koro, Jerusalemi.

³ Sa tara ko Jerusalemi, Me vaka na koro sa vakata vata:

⁴ Era sa lako cake kina na veimataqali, na veimataqali i Jiova, Nai lesilesi vei ira na Isireli, Me ra ia na vakavinavinaka ki na yaca i Jiova.

⁵ Ni sa tu maikina nai tikotiko ni veilewai, Na nodra i tikotiko vakaturaga na mataqali i Tevita.

⁶ Dou masulaki Jerusalemi me tiko sautu: Era na tiko vinaka era sa lomani iko.

⁷ Me tiko na sautu e na nomu lomanibai, Kei na cakacaka yaco e na nomu veivale vakaturaga.

⁸ E na vukudra na wekaqu kei na kai noqu, Au na kaya, Me tiko vei iko na vakacegu.

⁹ E na vuku ni vale i Jiova na neimami Kalou, Ka'u na qara na ka mo vinaka kina.