NA SAME 113 - Vakavakadewa Makawa

Me vakavinavinaka vua na Kalou ni sa levu ko koya, 1-4, ka yalololoma, 5-9.

¹ Dou ia vei Jiova na vakavinavinaka. Dou vakavinavinaka, oi kemudou na tamata i Jiova, Dou vakavinavinakataka na yaca i Jiova.

² Me vakarokorokotaki na yaca i Jiova Mai na gauna oqo ka yacova na veigauna kecega emuri.

³ Mai na gauna ka cadra kina na mata-ni-siga ka yacova na gauna ka dromu kina Me vakavinavinakataki na yaca i Jiova.

⁴ Sa cecere ko Jiova ka lolovira na veimatanitu kecega, Kei na nonai ukuuku ki lomalagi.

⁵ O cei sa tautauvata kei Jiova na noda Kalou, O koya sa tiko maicake,

⁶ O koya sa vakamalumalumutaki koya me raica Na ka mai lomalagi kei na ka e vuravura!

⁷ Sa vueta cake ko koya na dravudravua mai na kuvu-ni-soso, Ka vueta na tamata wale mai nai sovasova ni benu;

⁸ Me vakatikora vata kei ira na turaga, Io kei ira na turaga ni kai nona.

⁹ Sa lesia na yalewa yava me marama ni vale, Me marau voli talega ni sa vakaluveni. Dou ia vei Jiova na vakavinavinaka.