NA SAME 11 - Vakavakadewa Makawa

Na vosa ni dua sa vakararawataki, ka sa vakararavi ga vua na Kalou. Vua na domo-ni-sere. A Same i Tevita.

¹ Au sa vakararavi vei Jiova; Dou sa kaya vakacava ki na yaloqu, Mo vuka, me vaka na manumanu vuka, ki na nomu ulu-ni-vanua:

² Raica era sa loqata na nodra dakai titi na tamata lomaca, Era sa vakarautaka na gasau e na kena wa, Me ra vanai koya lo sa yalododonu;

³ Ia ni sa talaraki sara na yavu, A cava sa na kitaka rawa na tamata yalododonu?

⁴ Sa tiko e na nona vale tabu ko Jiova, Ai tikotiko vakaturaga nei Jiova sa tu mai lomalagi, Sa vakaraica tiko na matana, Sa vakatovolei ira na luve ni tamata na dakudaku ni matana.

⁵ Sa vakatovolea na tamata yalododonu ko Jiova: Ia na tamata lomaca kei koya sa vinakata nai valavala kaukauwa, sa cati koya na yalona.

⁶ Ena vakatauca nai cori vei ira na tamata i valavala ca ko koya; Na bukawaqa kei na sulifure, kei na cava rerevaki sa kedrai votavota e na medra bilo.

⁷ Ni sa yalododonu ko Jiova; sa vinakata ko koya nai valavala dodonu: Sa raica na tamata yalododonu na matana.