NA SAME 101 - Vakavakadewa Makawa

Sa yalo i Tevita me cakacaka vakavuku ka dodonu vua na Kalou. A Sere i Tevita.

¹ Au na seretaka na loloma kei na lewa dodonu; Vei kemuni Jiova, ka'u na ia na sere.

² Au na muria vakavuku nai valavala savasava. O ni na lako mai vei au ninaica? Au na ia nai valavala e noqu vale e na yalododonu.

³ Au na sega ni viritura e mataqu e dua na ka ca: Au sa cata na nodra i valavala era sa gole vakatani; Ena sega ni kabiti au.

⁴ Ena lako tani vei au na yalotakelo: Au na sega ni kila e dua na ka ca.

⁵ O koya sa kaseta vakavuni na kai nona, ka'u na muduka laivi: O koya sa mataviavialevu, ka yaloviavialevu, ka'u na sega ni vosota.

⁶ Au na raici ira na tamata era yalodina e na vanua, me ra tiko vata kei au: O koya sa muria nai valavala dodonu, ena qaravi au.

⁷ O koya sa cakacaka vakaveivakaisini, ena sega ni tiko e noqu loma ni vale: O koya sa vosa lasu, ena sega ni tiko dei e mataqu.

⁸ Au na vakaoti ira kece tani vakasauri na tamata i valavala ca ni vanua: Me'u muduki ira laivi kecega na daucaka cala mai na koro i Jiova.