Josua 15 - Vakavakadewa Makawa

Ai yalayala ni nodra i votavota na Juta, 1-12. Sa votai vei Kelepi ko Epironi, 13-19. A nodra veikoro na mataqali i Juta, 21-63.

¹ Ia nai votavota ni nodra mataqali na Juta me vaka na nodra veivuvale sa yaco ki nai yalayala kei Itomi, na vanua liwa ko Sini, kina mata ni ceva, ai yalayala sara ni ceva.

² Ia na nodra i yalayala vakaceva sa vakatekivu mai na matasawa ni Wasa Tuituina, mai na toba sa qarava na mata ni ceva:

³ a sa lako yani vaka ki na ceva ka yaco ki Meele-akirapimi, ka lako yani ki Sini, a sa lako cake mai na ceva ka yaco ki Ketesa-parinea, ka lako yani ki Esironi, ka lako cake ki Eta, ka qai gole ki Karika:

⁴ ka sa lako yani vaka ki Asimoni, ka la'ki yacova na uciwai ni Ijipita; ia nai mudumudu ni yalayala ko ya na waitui: oqo ena nomudou i yalayala ki na ceva.

⁵ Ia nai yalayala mai na tu-i-cake na Wasa Tuituina, sa yacova nai otioti ni Joritani. Ia nai yalayala mai na yasana vaka ki na tokalau sa vakatekivu mai na toba ni wasawasa, mai nai otioti ni Joritani:

⁶ a sa lako cake nai yalayala ki Peci-okila, ka sa lako yani mai na yasana ki na tokalau ki Peci-arapa; a sa lako cake nai yalayala ki na vatu i Poani, na luve i Rupeni:

⁷ a sa lako cake nai yalayala vaka ki Tipiri, mai na buca i Akori, vaka ki na tokalau sa qaravi Kilikali, mai na sala sa lako cake ki Etumimi, mai na tai ni uciwai vaka ki na ceva: a sa lako yani nai yalayala ki na wai ni Eni-semisi, ia na kenai mudumudu ko Eni-rokeli:

⁸ a sa lako cake nai yalayala mai na buca ni luve i Inomi, ki na yasana vaka ki na ceva vei ira na Jepusaiti, (ko ya ko Jerusalemi): a sa lako cake nai yalayala ki na tuatua sa qarava na buca nei Inomi sa donuya na ra, oqori mai nai otioti ni nodra buca na luve Refei vaka ki na tokalau:

⁹ a sa volai nai yalayala mai na tuatua ki na wai vure mai Nefitoa, ka lako yani ki na veikoro mai na ulu-ni-vanua ko Efironi: a sa volai na kenai yalayala ki Peala, (o koya ko Kiriaci-jiarimi):

¹⁰ a sa gole mai nai yalayala mai Peala vaka ki ra ka yacova na ulu-ni-vanua ko Sia, ka lako yani ki na yasa ni ulu-ni-vanua ko Jiarimi, (o koya ko Kisaloni,) ki na yasana sa qarava na tokalau, a sa lako sobu ki Peci-semesi, ka lako yani ki Timina:

¹¹ a sa lako yani nai yalayala ki na yasana kei Ekironi vaka ki na tokalau: a sa volai nai yalayala ki Sikironi, ka lako yani ki na ulu-ni-vanua ko Peala, ka yala ki Japinieli; ia nai mudumudu ni yalayala na waitui.

¹² Ia nai yalayala mai ra na wasa levu, kei na kena baravi. Sa lako voli vakaoqo na kedrai yalayala na Juta me vaka na nodra veivuvale.

¹³ A sa solia ko koya e dua nai votavota vei Kelepi na luve i Jifune e na kedra maliwa na Juta, me vaka na vosa i Jiova vei Josua; io na koro i Aripa, na tama i Anaki: ko ya ko Epironi:

¹⁴ ia ko Kelepi sa vakasavi iratou maikina na luve i Anaki tolutolu, ko Sesei, kei Eiimani, kei Talimei, eratou luve i Anaki:

¹⁵ a sa lako cake maikina ko koya me vala kei ira na kai Tipiri: ia na yaca i Tipiri eliu ko Kiriaci-seferi.

¹⁶ A sa kaya ko Kelepi, O koya ena samuti Kiriaci-seferi, ka rawa, au na soli Akesa na luvequ me watina.

¹⁷ A sa rawa ko Ocinieli na luve i Kinasi, na taci i Kelepi: a sa solia vua ko koya na luvena yalewa ko Akesa me watina:

¹⁸ ia, ni sa lako mai na yalewa, sa vakauqeta na watina me kerea e dua na tiki ni vanua maivua na tamana: a sa sobu mai na asa na yalewa, a sa kaya vua ko Kelepi, O sa vakaevei?

¹⁹ A sa kaya ko koya, Mo solia vei au na ka me'u kalougata kina; ni ko sa solia oti vei au e dua na vanua ki na mata ni ceva; mo solia talega vei au eso na mata ni wai. A sa solia vua ko koya na mata ni wai e cake, kei na mata ni wai era.

²⁰ Oqo nai votavota ni nodra mataqali na Juta me vaka na nodra veivuvale.

²¹ Ia na veikoro sa toka e nai yalayala ni nodra mataqali na Juta e nai yalayala vaka Itoni ki na ceva, o Kapisieli, kei Eteri, kei Jakuri,

²² kei Kina, kei Timona, kei Atiata,

²³ kei Ketesi, kei Asori, kei Icinani,

²⁴ ko Sifi, kei Telemi, kei Paloci,

²⁵ kei Asori, ko Etata, kei Kirioci, ko Esironi, ko ya ko Asori,

²⁶ ko Emami, kei Sema, kei Molata,

²⁷ kei na koro ko Kata, kei Esimoni, kei Paci-paleti,

²⁸ kei na koro ko Suali, kei Pieri-sepa, kei Piseocea,

²⁹ ko Peala, kei Iyimi, kei Esemi,

³⁰ kei Elitolati, kei Kisili, kei Orima,

³¹ kei Sikilaki, kei Matimana, kei Sanisana,

³² kei Lipaoci, kei Silimi, kei Eini, kei Rimoni: sa ruasagavulu ka ciwa na veikoro kece kei na kedra veikoro lalai:

³³ E na buca, ko Esitaoli, kei Sora, kei Esina,

³⁴ kei Sanoa, kei Eni-kanimi, ko Tapua, kei Enami,

³⁵ ko Jarimoce, kei Etulama, ko Soko, kei Aseka,

³⁶ kei Sareimi, kei Eticeimi, kei Kitera, kei Kiteroceimi; sa tinikava na koro kei na kedra veikoro lalai:

³⁷ ko Sinani, kei Etasa, kei Mikitali-kata,

³⁸ kei Tilani, kei Misipe, kei Jokicieli,

³⁹ ko Lakisi, kei Posikaci, kei Ekiloni,

⁴⁰ kei Kaponi, kei Lamasi, kei Kicilisi,

⁴¹ kei Kiteroci, ko Peci-takoni kei Neama, kei Maketa; sa tinikaono na koro kei na kedra veikoro lalai:

⁴² ko Lipina, kei Eceri, kei Asani,

⁴³ kei Jifita, kei Esena, kei Nisipi,

⁴⁴ kei Kila, kei Ekisipi, kei Maresa; sa ciwa na koro kei na kedra veikoro lalai:

⁴⁵ ko Ekironi, kei na kena veikoro kei na kena veikoro lalai sa volita:

⁴⁶ mai Ekironi ka yacova na waitui: na koro kecega sa tu voleka ki Asitoti, kei na kedra veikoro lalai:

⁴⁷ ko Asitoti, kei na kena veikoro, kei na veikoro lalai sa volita, ko Kesa, kei na kena veikoro, kei na kena veikoro lalai sa volita, ka yaco ki na uciwai ni Ijipita, kei na Wasa Levu, kei na baravi:

⁴⁸ Ia mai na ulu-ni-vanua, ko Samiri, kei Jatiri, kei Soko,

⁴⁹ kei Tana, kei Kiriaci-sana, ko ya ko Tipiri,

⁵⁰ kei Anapi, kei Esitimoa, kei Animi,

⁵¹ kei Koseni, kei Oloni, kei Kilo; e tinikadua na koro kei na kedra veikoro lalai:

⁵² ko Erapi, kei Tuma, kei Esani,

⁵³ kei Janumi, kei Peci-tapua, kei Efeka,

⁵⁴ kei Umita, kei Kiriaci-aripa, (ko ya ko Epironi,) kei Siori; e ciwa na koro kei na kedra veikoro lalai:

⁵⁵ ko Maoni, ko Kameli, kei Sifi, kei Juta,

⁵⁶ kei Jesirieli, kei Jokitiami, kei Sanoa,

⁵⁷ ko Keni, ko Kipia, kei Timina; e tini na koro kei na kedra veikoro lalai:

⁵⁸ ko Aluli, ko Peci-suri, kei Kitori,

⁵⁹ kei Meeraci, kei Peci-anoci, kei Elitikoni; e ono na koro kei na kedra veikoro lalai:

⁶⁰ ko Kiriaci-peali, (ko ya ko Kiriaci-jiarimi,) kei Rapa; e rua na koro kei na kedrau veikoro lalai:

⁶¹ Mai na veikau, ko Peci-arapa, ko Mitini, kei Sikaka,

⁶² kei Nipisani, kei na Koro ni masima, kei Eni-keti; e ono na koro kei na kedra veikoro lalai.

⁶³ Ia ko ira na Jepusaiti, na kai Jerusalemi, sa sega ni vakasavi ira tani rawa ko ira na Juta: a ra sa tiko vata ga na Jepusaiti kei ira na Juta mai Jerusalemi, ka yacova na siga oqo.