Jope 25 - Vakavakadewa Makawa

Sa vaka ko Pilitati ni sa sega ni dodonu rawa na tamata e na mata ni Kalou

¹ Sa qai vosa ko Pilitati na luve i Sua, ka kaya,

² A lewa kei na ka rerevaki sa tiko vua: Sa vakayacora tiko na sautu e nona vanua cecere.

³ Sa wiliki rawa li na nona mataivalu? Ia ko cei sa sega ni cadra vua na nona rarama?

⁴ Ena qai dodonu rawa vakaevei na tamata vua na Kalou? Ka savasava rawa vakaevei ko koya sa sucu mai vua na yalewa?

⁵ Raica na vula sa sega ni weweli mai; Ia na kalokalo sa sega ni savasava e matana.

⁶ Sa na qai vakaevei na tamata, na baca ga? Kei na luve ni tamata, na baca walega?