Jope 24 - Vakavakadewa Makawa

Sa vaka ko koya ni sa sega ni saumi na ca kecega e na bula oqo, 1-17. Era sa daucudruvi vakavuni na tamata ca, 18-25.

¹ Ni sa sega ni vuni na veigauna vei Koya sa Kaukauwa, A cava era sega kina ni kunea na nona siga ko ira era kilai koya?

² Eso na tamata era kisira nai yalayala ni vanua; Era kovea na qele ni sipi, ka la'ki vakania.

³ Era vakasava tani na nodra asa na luveniyali, Era sa taura na nona pulumokau na yada mei vakadinadina.

⁴ Era sa biuti ira tani na dravudravua mai na sala: Sa ra vunitaki ira vata vakataki ira na dravudravua kei vuravura.

⁵ Raica, me vaka na asa kila mai lekutu, Era sa lako ki na nodra cakacaka; ka sou e na mataka ka qara matua na kedra: Sa rawa mai lekutu na kedra kei na kedra talega na luvedra.

⁶ Era dui tamusuka na kedra mai na were: A ra sa vetia na nodra vaini nai valavala ca.

⁷ Era sa davo luvawale e na bogi ka sega ni vakaitutuvi, Ka sega ni vakaitutuvi e na liliwa:

⁸ Era sa suasua e na uca mai na veiulu-ni-vanua, A ra sa mokota na vatu ni sa sega na vanua me ra vakaruru kina.

⁹ Eso era sa kaliraka tani na luveniyali mai na mata-ni-sucu, Ka ra sa taura na nonai sulu na dravudravua mei vakadinadina ni ka;

¹⁰ Sa ra qai lako luvawale ka sega ni vakaisulu, A ra sa kauta tani nai vau sila maivei ira sa viakana;

¹¹ Era sa caka waiwai e nodra loma ni bai na tamata oqo, Ka butubutu e nai keli waini, ka viagunu tiko.

¹² Sa ra vutugu na tamata mai loma ni koro, Ka sa qoqolou na yalo i koya sa mavoa: Ia sa sega ni vakacalai ira na Kalou.

¹³ Ko ira oqo era sa besetaka na rarama; Era sega ni kila na kena sala, Se tiko e na kenai lakolako.

¹⁴ Sa yadra mai na daulaba ni sa kida na mataka, ka sa vakamatea na dravudravua kei na luveniyali: Ka sa vaka na daubutako e na bogi.

¹⁵ A matana talega na dauyalewa sa waraka na yakavi, Ka kaya, Sa na sega ni kunei au e dua na tamata: A sa puloutaka na matana.

¹⁶ Ni sa butobuto era kelirukuta na vale, Era sa digitaka oti e na siga: Era sega ni kila na rarama.

¹⁷ Ni sa tautauvata na mataka kei na yaloyalo ni mate vei ira; Ke sa kilai ira e dua, ke sa vaka na yaloyalo ni mate dina na nodra rere.

¹⁸ Sa totolo ko koya e na dela ni wai; Sa vakarusai na nodra i votavota e vanua: Sa sega ni goleva na sala ko koya ki na veiwere-ni-vaini.

¹⁹ Sa vakaseavutaka na wai ni uca-vulavula na siga kei na katakata: Sa vakakina nai bulubulu vei ira era sai valavala ca.

²⁰ Ena guilecavi koya ko tinana; ena daumaki koya na baca; Ena sega ni nanumi tale; Ia ena raramusumusu na caka ca me vaka na kau.

²¹ Sa vakacacani koya sa yava ka sega ni vakasucu: A sa sega ni caka vinaka vua na yada.

²² Sa yarataki ira talega na qaqa e na nona kaukauwa: Sa tu cake ko koya, ka sa sega e nanuma me bula.

²³ Sa soli vua me tiko vakacegu, a ra sa vakararavi kina; Ia sa vakaraica na nodra sala na matana.

²⁴ Era sa vakalevulevui me bogi vica ga, Era sa qai yali ka vakamalumalumutaki; Era sa kau tani me vakataki ira na tamata kecega; Era sa doloki me vaka na sola ni sila.

²⁵ Ia kevaka e sega ni vakakina, ko cei me vakatakila na noqu lasu, Ka vakatawayagataka na noqu vosa?