Jeremaia 45 - Vakavakadewa Makawa

Ni sa rarawa na loma i Peruki, 1-3, sa vakavulica ka vakaceguya ko Jeremaia, 4,5.

¹ Ni sa vola oti ko Peruki na luve i Neraia, e na dua nai vola, na vosa oqo mai na gusu i Jeremaia, sa qai kaya vua ko Jeremaia e nai kava ni yabaki i Jioiakimi na luve i Josaia na tui Juta, ka vaka,

² Sa vosa vakaoqo ko Jiova, na nodra Kalou na Isireli, vei iko, Peruki:

³ Ko sa kaya, Ulei koi au oqo! ni sa vakaikuritaka na noqu rarawa e na yaluma ko Jiova; au sa oca e na noqu vutugu, ia ka'u sa sega ni kunea na vakacegu.

⁴ Mo vosa vakaoqo vua, Sa vaka ko Jiova; Raica, na ka ka'u sa tara ka'u na basuka sobu, kei na ka ka'u sa tea ka'u na cavuta cake, io na vanua taucoko oqo.

⁵ Ia ko iko ko sa dauqara beka eso na ka levu me nomu? mo kakua ni dauqara: raica, au na vakayacora na ca vei ira na tamata kecega, sa kaya ko Jiova: ia ka'u na solia vei iko na nomu bula me nomu i toki ni valu e na veiyasana kecega ko sa lako voli kina.