Esiteri 10 - Vakavakadewa Makawa

Sa tamata yaco sara ko Moatekai.

¹ A sa lesia ko Easuerosi na tui nai vakacavacava ki na vanua, kei na veiyanuyanu ni wasawasa.

² Ia na cakacaka kecega ni nona kaukauwa kei na nona qaqa, kei nai tukutuku ni nona yaco ko Moatekai, sa vakalevulevui koya kina ko koya na tui, sa sega li ni volai e nai vola ni veika sa caka e na nodra gauna na tui Mitia kei Perisia?

³ Ni sai karua kei Easuerosi ko Moatekai na Jiu, a sa dokai vei ira na Jiu, a sa vinakati koya ko ira na wekana era sa lewe vuqa, a sa segata tiko ko koya na ka me ra vinaka kina na kai nona, ka dautauca na vosa ni veivakacegui vei ira kecega na nona kawa.