Esera 8 - Vakavakadewa Makawa

Sa lako ko Esera kei ira na Jiu e lewe vuqa, ka ra yaco ki Jerusalemi, ni sa vakarurugi ira ko Jiova.

¹ O ira oqo na turaga vei ira na nodra qase, a sa vakaoqo na kedrai tubutubu keimami a lako cake vata mai Papiloni, ni sa lewa tiko ko Atakisekise na tui.

² Maivei iratou na tagane na luve i Finiase: ko Kerisomi; maivei iratou na tagane na luve i Icama: ko Taniela; maivei iratou na tagane na luve i Tevita: ko Atusi;

³ maivei iratou na tagane na luve i Sekanaia, vei ira na tagane na luve i Parosi: ko Sakaraia; a sa wili vata kaya e nai vola ni tubutubu e le dua na drau ka limasagavulu na tagane.

⁴ Maivei iratou na tagane na luve i Peaci-moapi: Elioenai na tagane na luve i Seraia, kei ira vata kaya e le rua na drau na tagane.

⁵ Maivei iratou na tagane na luve i Sekanaia: na luve i Jeesieli ka tagane, kei ira vata kaya e le tolu na drau na tagane.

⁶ Maivei iratou na tagane na luve i Atini: ko Epeti na luve i Jonacani ka tagane, kei ira vata kaya e le limasagavulu na tagane.

⁷ Maivei iratou talega na tagane na luve i Ilama: ko Jesaia na tagane na luve i Acalaia, kei ira vata kaya e le vitusagavulu na tagane.

⁸ Maivei iratou talega na tagane na luve i Sefataia: ko Sepataia na luve i Maikeli ka tagane, kei ira vata kaya e le walusagavulu na tagane.

⁹ Maivei iratou na tagane na luve i Joapi: ko Opetaia na luve i Jieli ka tagane, kei ira vata kaya e le rua na drau ka tini ka walu na tagane.

¹⁰ Maivei iratou talega na tagane na luve i Silomeci: na luve i Josipaia ka tagane, kei ira vata kaya e le dua na drau ka onosagavulu na tagane.

¹¹ Maivei iratou talega na tagane na luve i Pepai: ko Sakaraia na luve i Pepai ka tagane, kei ira vata kaya e le ruasagavulu ka walu na tagane.

¹² Maivei iratou talega na tagane na luve i Asikati: ko Joenani na luve i Akatani ka tagane, kei ira vata kaya e le dua na drau ka tini na tagane.

¹³ Maivei iratou talega na tagane na luve i Etonikami emuri, a yacadratou oqo, ko Ilifeleti, ko Jieli, kei Semaia, kei ira vata talega e le onosagavulu na tagane.

¹⁴ Maivei iratou talega na tagane na luve i Pikivai: ko Ucei, kei Saputi, kei ira vata talega e le vitusagavulu na tagane.

¹⁵ Ia ka'u a vakasoqoni ira vata ki na uciwai sa drodro ki Aeva; ia keimami a tiko maikina ka bogi tolu e na vale vakacevaceva: ia ka'u a vakaraici ira na tamata, kei ira na bete, ka sega ni kunea e dua vei ira na tagane na Livai.

¹⁶ Au a qai talaki me lako mai ko Eliesa, kei Erieli, kei Semaia, kei Elinecani, kei Jaripi, kei Elinecani, kei Necani, kei Sakaraia, kei Mesulame, eratou tamata turaga; ko Joiaripi talega, kei Elinecani, oi rau na tamata daukila ka.

¹⁷ Ka'u a qai talai iratou me ratou kauta na vosa vei Ito na turaga ni koro ko Kasifaia, ka kaya vei ira me ra vosa vei Ito, vei ira na wekana na Necinimi, mai na koro ko Kasifaia me ra kauta mai vei keda eso nai talatala me yaga e na vale ni noda Kalou.

¹⁸ Ia ni sa vinaka vei keda na liga ni noda Kalou era a kauta mai vei keda e dua na tamata vuku, maivei iratou na tagane na luve i Mali, na tagane na luve i Livai, na tagane na luvei i Isireli; kei Serepaia, kei iratou na luvena tagane kei iratou na wekana, era le tinikawalu;

¹⁹ kei Esapaia, kei ira vata kaya ko Jesaia maivei iratou na tagane na luve i Mirari, ko iratou na wekana kei iratou na luvedratou tagane, era le ruasagavulu;

²⁰ maivei ira talega na Necinimi, ka lesia ko Tevita kei ira na turaga me qaravi ira na Livai, e le rua na drau ka ruasagavulu na Necinimi: sa cavuti kece na yacadra yadua.

²¹ Au a qai kacivaka maikea na lolo, mai na uciwai ko Aeva, me keimami vakararawataki keimami e na mata i koya na neimami Kalou, ka me kerea vua me neimami na sala dodonu me nodra talega na neimami lalai, kei na neimami ka kecega:

²² ni'u a madua ni kerea vua na tui na mataivalu, kei ira na tamata era vodo ose, me totaki keimami e na vuku ni meca e na sala: ni keimami sa vosa oti vua na tui, ka kaya, A liga ni neimami Kalou sa tiko vakavinaka kei ira kece sa qarai koya; ia na nona kaukauwa kei na nona cudru sa veivala kei ira kece era sa biuti koya.

²³ Ia keimami a lolo ka masuta na neimami Kalou e na vuku ni ka oqo: a sa vakamasuti ga vei keimami ko koya.

²⁴ Au a qai wasea tani e le tinikarua vei ira era liu vei ira na bete, ko Serepaia, ko Esapaia, kei iratou e lewe tini na wekadrau,

²⁵ ka vakarautaka na kena bibi ni siliva vei ira, kei na koula, kei nai yaya, io na ka sa vakacabori e na vuku ni vale ni neimami Kalou, ka vakacabora ko koya na tui, kei iratou na nona lewe ni bose, kei iratou na nona tamata turaga, kei ira kece na Isireli era tiko maikeri:

²⁶ au a vakarautaka na kena bibi ki na ligadra, e ono na drau ka limasagavulu na taledi siliva, kei nai yaya siliva e dua na drau na taledi, ka sa dua na drau na taledi koula;

²⁷ a sa ruasagavulu na peseni koula, sa dua na udolu na tarama; ka rua na bilo kopa makamakalivata, ka tautauvata kei na koula na kena talei.

²⁸ Ia ka'u a kaya vei ira, Dou sa savasava vei Jiova; a sa savasava talega nai yaya; ia na siliva kei na koula na ka-ni-loloma sa vakacabori vei Jiova na Kalou ni nomudou qase:

²⁹ dou vakatawa, ka maroroya, me yacova na siga dou na vakarautaka kina na kedra bibi e na matadra era liu vei ira na bete kei ira na Livai, kei ira era liu vei ira na nodra qase na Isireli, mai Jerusalemi, e na vale ni yau ni vale i Jiova.

³⁰ A ra sa vakarautaka na bibi ni siliva, kei na koula, kei nai yaya, ko ira na bete kei ira na Livai, me ra kauta ki Jerusalemi ki na vale ni noda Kalou.

³¹ Keimami a qai lako mai na uciwai ko Aeva e nai katinikarua ni siga ni matai ni vula, me lako ki Jerusalemi: a sa tu vei keimami na liga ni noda Kalou, ka vakabulai keimami mai na ligadra na meca, kei ira era lawa koto e na sala.

³² Ia keimami a yaco ki Jerusalemi, ka tiko kina bogi tolu.

³³ Ia e nai kava ni siga, sa vakarautaki na kena bibi ni siliva, kei na koula, kei nai yaya, e na vale ni noda Kalou, ni sa kitaka ko Meremoce na tagane na luve i Uraija na bete; a sa tiko kaya ko Eliesa na luve i Finiase ka tagane, ka tiko kei rau ko Josapati na luve i Jesua ka tagane, kei Noataia na luve i Pinui ka tagane, koi rau na luve i Livai;

³⁴ sa wili ka vakarautaki na kena bibi ni ka kecega: a sa volai na kena bibi kece e na siga ko ya.

³⁵ Ia ko ira na luvedra era a kau tani, ko ira era sa lesu tale mai na veivakabobulataki, era sa vakacabora vua na nodra Kalou na Isireli, nai soro kama na pulumokau e tinikarua e na vukudra kecega na Isireli, e ciwasagavulu ka ono na sipi tagane, e vitusagavulu ka vitu na lami, e tinikarua na me tagane mei soro ni valavala ca: a ka kece oqo sai soro kama vei Jiova.

³⁶ A ra sa solia nai vola ni vakaro ni tui vei ira na nona tamata turaga na tui, kei ira na kovana era lewa e na tai ni uciwai oqo: ka ra sa vukei ira na tamata, me rawa vale ni Kalou.