Dauvunau 6 - Vakavakadewa Makawa

Sa ka wale nai yau sa sega ni vakayagataki, 1-6, kei na bula vakayago walega, 7-9. Sa sega ni kila na tamata na ka sa yaga vua, 10-12.

¹ E dua na ka ca ka'u sa kunea e ruku ni mata-ni-siga, a sa daulevu vei ira na tamata:

² a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi: oqo na ka walega, ka dua na mate ca.

³ Kevaka sa dua na tamata ka sa sucu e le dua na drau na luvena, ka sa vuqa na yabaki sa bula kina, ka mani vuqa kina na siga ni nona yabaki, ka sa sega ga ni mamau na yalona e na vinaka, ka sa sega talega na kena somate; au sa kaya, sa vinaka na lutudole ka ca ko koya:

⁴ Ko ni sa lako wale mai, a sa lako vakabutobuto yani, ka sa na ubi e na butobuto na yacana:

⁵ sa sega talega ni raica se kila na mata-ni-siga: sa vakacegu oqo ka segai ko ya.

⁶ Io, ke sa rua na udolu na nona yabaki, ke sa sega ga ni kunea na vinaka: era sa sega li ni lako na tamata kecega ki na yasana e dua bauga?

⁷ Sa oca tikoga na tamata e na vuku ni gusuna, ia sa sega ni oti rawa na viakana:

⁸ ka sa uasivi cake e na cava na tamata vuku vua na lialia? a cava sa uasivi cake kina na tamata dravudravua, ko koya ka kila nai valavala e yaga e na matadra na bula?

⁹ Sa vinaka ni sa rai na mata da ka ca ni sa lako sese na lomada: oqo talega na ka wale kei na ka ni oca ki na yalo.

¹⁰ O koya sa tiko oqo sa vakayacani makawa tu, ia sa kilai ni sai koya na tamata: ka sa sega ni veivorati rawa kei koya sa kaukauwa vei rau.

¹¹ Ni sa vuqa na ka sa vakaikuritaki kina na ka walega, a cava e vinaka cake kina na tamata?

¹² Ia ko cei sa kila na ka e yaga vua na tamata e nona bula, na veisiga kece ni nona bula wale oqo, ka sa oti rawarawa me vaka na yaloyalo? ia ko cei sa tukuna rawa vua na tamata na ka ena muri koya e ruku ni mata-ni-siga?