Aisea 4 - Vakavakadewa Makawa

A ka ca sa na yaco e nai valu, 1, kei na ka vinaka ena yaco vei ira na lotu dina e na nona lewa na Mesaia, 2-6.

¹ Ia e na gauna ko ya sa na lewe vitu na yalewa eratou na taura e le dua na tagane, ka kaya, Keitou na kania na neitou madrai, ka vakaisulu e na neitou i sulu: ia me vakatokai ga na yacamu vei keitou, me kau tani na ka keitou rogo ca kina.

² E na gauna ko ya ena rairai vinaka ka rogo na coke i Jiova, ia na vuata ni vanua ena ka talei ka matavinaka me kedra na Isireli era sa dro bula.

³ Ia ena yaco, ko koya sa tiko laivi mai Saioni, kei koya ka tiko mai Jerusalemi, ena vakatokai me yalosavasava, io ko ira kecega era sa volai vata kei ira na bula mai Jerusalemi:

⁴ Ni na sa qai savata tani na Turaga na nodra dukadukali na goneyalewa ni Saioni, ka vuya tani na dra mai na loma ni koro ko Jerusalemi e na yalo daulewa dodonu, kei na yalo sa waqa tu.

⁵ Ia ena cakava ko Jiova me ubia nai tikotiko kecega mai na ulu-ni-vanua ko Saioni, kei na kenai soqosoqo, na o kei na kubou e na siga, kei na rarama ni bukawaqa caucaudre e na bogi: ni na vakarurugi ira kecega na kenai ukuuku.

⁶ Ia ena dua na vale me vakaruru kina e na siga mai na katakata, mei drodro talega, kai vakaruru mai na cava kei na uca.