1 Veigauna 26 - Vakavakadewa Makawa

O ira nai vakatawa ni katuba, 1-11. O ira ka vakatawa na veimatamata-ni-koro, 12-19. O ira na Livai era vakatawa nai yau, 20-28. O ira sa turaga kei ira na dauveilewai, 29-32.

¹ E na vuku ni kedra wasei nai vakatawa ni katuba: Vei ira na luve i Kora: ko Meselimaia na luve i Kore ka tagane, vei iratou na tagane na luve i Esafa.

² Ia ko iratou na luve i Meselimaia ka tagane: ko Sakaraia na ulumatua, ko Jitieeli nai karua, ko Sepataia nai katolu, ko Jacinieli nai kava,

³ ko Ilama nai kalima, ko Jioanani nai kaono, ko Elioenai nai kavitu.

⁴ Ia ko iratou na luve i Opeti-itomi ka tagane: ko Semaia na ulumatua, ko Jiosapati nai karua, ko Joa nai katolu, kei Sakari nai kava, kei Nicaneli nai kalima,

⁵ ko Amieli nai kaono, ko Isakari nai kavitu, ko Piulicei nai kawalu: ni sa vakalougatataki koya na Kalou.

⁶ Ka sa sucu eso na gonetagane na luve i Semaia na nona ulumatua, a ratou sa lewa e na mataqali ni nodratou qase: ni ratou sa tamata qaqa.

⁷ Ko iratou oqo na luve i Semaia ka tagane: ko Ocini, kei Rifaeli, kei Opeti, ko Elisapati, a sa tamata kaukauwa na tacina, ko Ilaiu, kei Simakaia.

⁸ Ko iratou na tagane kecega oqo era sa luve i Opeti-itomi: ko ira, kei na luvedra, kei na tacidra, era sa tamata kaukauwa ki na cakacaka, era sa lewe onosagavulu ka rua vei Opeti-itomi.

⁹ Ia na luve i Meselimaia ka tagane kei na tacina, era sa lewe tinikawalu, ka ra tamata qaqa.

¹⁰ Ko Osa talega vei ira na luve i Mirari, sa so na luvena tagane: Ko Simiri sa turaga, (sa sega ni ulumatua, ia sa buli koya ga ko tamana me turaga,)

¹¹ ko Ilikaia nai karua, ko Tipalaia nai katolu, ko Sakaraia nai kava: ko ira kece na luvena tagane kei na taci i Osa sa le tinikatolu.

¹² Sa maivei ira oqo na mata i vakatawa ni katuba, io maivei ira na tamata turaga, a ra sa vakatawa na mata ni koro sa veidonui, me ra cakacaka e na vale i Jiova.

¹³ A ra sa ia na vakawiri madigi e na vuku ni matamata-ni-koro kece, ko ira sa lalai kei ira sa lelevu, me vaka na mataveivuvale ni nodra qase.

¹⁴ A sa bale vei Selemaia na yasana sa vaka ki na tu-i-cake. Ka ra sa ia na vakawiri madigi e na vuku i Sakaraia na luvena tagane, na dauvakavuvuli vakavuku, a sa nonai tavi vaka ki na tokalau.

¹⁵ Sai tavi i Opeti-itomi, vaka ki na ceva; vei ira talega na luvena tagane, na vale ni yau.

¹⁶ Kivei Supimi kei Osa vaka ki ra, kei na matamata-ni-koro ko Salekeci, e voleka ki na salatu sa lako cake, sa veidonui na nodra veiyasana.

¹⁷ Sa lewe ono vei ira na Livai vaka ki na tu-i-cake, sa le va e na veisiga ki na tokalau, sa le va ena veisiga ki na ceva, ia ki na vale ni yau sa tauyarua.

¹⁸ Mai Paripari vaka ki ra, sa le va ki na salatu, ka le rua mai Paripari.

¹⁹ Sai koya oqo na kedrai wasewase nai vakatawa ni katuba: vei ira na luve i Kora ka tagane, vei ira talega na luve i Mirari ka tagane.

²⁰ Ia vei ira na Livai, sa vakatawa ko Elaija nai yau ni vale ni Kalou, kei nai yau ni ka sa vakatabui tu.

²¹ O iratou na luve i Latani ka tagane: ko iratou na luve i Latani na luve i Kerisoni, eratou sa qase turaga, io na nei Latani na luve i Kerisoni: ko Jieli.

²² Oi rau na luve i Jieli ka tagane: ko Secami, kei Joeli na tacina, koi rau sa lewa nai yau ni vale i Jiova.

²³ Vei ira na luve i Amirami, ko ira na luve i Isari, ko ira na luve i Epironi, ko ira na luve i Usieli:

²⁴ a sa lewa nai yau ko Sipueli na luve i Kerisomi ka tagane, na luve i Mosese ka tagane.

²⁵ Kei iratou na tacina vei Eliesa: ko Riapaia na luvena tagane, kei Jesaia na luvena tagane, kei Jorami na luvena tagane, kei Sikiri na luvena tagane, kei Silomeci na luvena tagane.

²⁶ O Silomeci oqo, kei iratou na tacina, eratou sa maroroya nai yau kecega sa tabu tu, na ka sa vakatabuya ko Tevita na tui, kei ira na qase turaga, kei ira sa turaga vei ira na veiyayaudolu kei na veiyayadrau, kei ira na kapiteni e na mataivalu.

²⁷ Era sa vakatabuya eso mai nai toki ni valu, me yaga ki na vale i Jiova.

²⁸ Ia na ka kecega sa vakatabuya ko Samuela na rairai, kei Saula ka tagane na luve i Kisi, kei Apineri na luve i Neri ka tagane, kei Joapi na luve i Seruaia ka tagane: kei ira kece ra sa vakatabuya na ka so sa tiko ga vei Silomeci, kei iratou na tacina.

²⁹ Vei ira na luve i Isari sa nodra i tavi na cakacaka e tautuba, me ra ovisa ka mataveilewai vei ira na Isireli, ko Kinanaia kei iratou na luvena tagane.

³⁰ Vei ira na luve i Epironi: ko Esapaia, kei ira na tacina, e le dua na udolu ka vitu na drau na tamata qaqa, era turaga vei ira na Isireli e na tai ni Joritani oqo mai ra, e na cakacaka kecega i Jiova, kei na nona cakacaka talega na tui.

³¹ Vei ira na luve i Epironi, sa turaga ko Jiraija, io vei ira na luve i Epironi, me vaka nai tabatamata ni nona qase. Sa vakasaqarai ko ira oqo e nai kavasagavulu ni yabaki ni lewa i Tevita, ka sa kune vei ira mai Jaseri e Kiliati eso na tamata qaqa.

³² Ia ko ira na wekana, sa tamata qaqa, era sa le rua na udolu ka vitu na drau na qase turaga, sa buli ira ko Tevita na tui me ra lewai ira na Rupeni, kei ira na Kata, kei na dua na wase ni mataqali i Manasa, e na ka kecega ni Kalou, kei na ka ni tui.