1 Veigauna 25 - Vakavakadewa Makawa

O ira na dausere, kei na nodra i tavi.

¹ A sa wasea ko Tevita, kei ira na kapiteni ni mataivalu, eso vei ira na tagane na luve i Esafa, kei Imani, kei Jitucuni, ki na cakacaka, ko ira sa nodra i tavi me parofisai e na api, kei na soliteri, kei na sibali: ia nai wiliwili ni tamata cakacaka me vaka na nodra i tavi sa vakaoqo:

² Maivei ira na tagane na luve i Esafa: ko Sakuri, kei Josefa, kei Necanaia, kei Asarela, ko iratou na luve i Esafa sa lewa ko Esafa, era sa ia na parofisai me vaka na nona vosa na tui.

³ Maivei Jitucuni: ko iratou na luve i Jitucuni ka tagane: ko Kitalaia, kei Siri, kei Jesaia, ko Esapaia, kei Maticaia, sa lewe ono, sa lewai iratou ko tamadratou ko Jitucuni, ko koya sa parofisai e na api, me vakavinavinaka ka vakamolimoli kivei Jiova.

⁴ Maivei Imani: ko iratou na luve i Imani ka tagane: ko Pukaia, ko Matanaia, ko Usieli, ko Sipueli, kei Jirimoci, ko Enanaia, ko Anani, ko Iliaca, ko Kitaliti, kei Romamiti-eseri, ko Josipikasa, ko Maloci, ko Ociri, ko Meesioci:

⁵ ko ira kece oqo era sa luve i Imani era tagane na nona rairai na tui e na vosa ni Kalou, me ra uvuca cake na davui. A sa solia na Kalou kivei Imani e lewe tinikava na luvena tagane ka le tolu na luvena yalewa.

⁶ Sa vakarorogo ko ira kece oqo kivei tamadra, me ra ia na sere e na vale i Jiova, e na sibali, kei na soliteri, kei na api, e na cakacaka ni vale ni Kalou, me vaka na nona vosa na tui kivei Esafa, kei Jitucuni, kei Imani.

⁷ Ia na kedrai wiliwili, kei ira na wekadra era sa vakatavulici e na sere vei Jiova, io ko ira kece era sa vuku, sa le rua na drau ka walusagavulu ka walu.

⁸ A ra sa ia na vakawiri madigi na dui mata cakacaka kecega, ko koya sa lailai kei koya sa levu, ko koya sai vakavuvuli kei koya talega sa vakatavulici.

⁹ Ia ni sa ia na vakawiri madigi vakadua sa qaravi Esafa me nei Josefa: ia nai karua sa qaravi Kitalaia, ko koya, kei iratou na tacina, kei iratou na luvena tagane, era sa le tinikarua:

¹⁰ ai katolu sa qaravi Sakuri, ko iratou na luvena tagane, kei iratou na tacina, era sa le tinikarua:

¹¹ ai kava sa qaravi Jeseri, ko iratou na luvena tagane, kei iratou na tacina, era sa le tinikarua:

¹² ai kalima sa qaravi Necanaia, ko iratou na luvena tagane, kei iratou na tacina, era sa le tinikarua:

¹³ ai kaono sa qaravi Pukaia, ko iratou na luvena tagane, kei iratou na tacina, era sa le tinikarua:

¹⁴ ai kavitu sa qaravi Jisarela, ko iratou na luvena tagane kei iratou na tacina, era sa le tinikarua:

¹⁵ ai kawalu sa qaravi Jesaia, ko iratou na luvena tagane, kei iratou na tacina, era sa le tinikarua:

¹⁶ ai kaciwa sa qaravi Matanaia, ko iratou na luvena tagane, kei iratou na tacina, era sa le tinikarua:

¹⁷ ai katini sa qaravi Semeai, ko iratou na luvena tagane, kei iratou na tacina, era sa le tinikarua:

¹⁸ ai katinikadua sa qaravi Esareli, ko iratou na luvena tagane, kei iratou na tacina, era sa le tinikarua:

¹⁹ ai katinikarua sa qaravi Esapaia, ko iratou na luvena tagane, kei iratou na tacina, era sa le tinikarua:

²⁰ ai katinikatolu sa qaravi Supaeli, ko iratou na luvena tagane, kei iratou na tacina, era sa le tinikarua:

²¹ ai katinikava sa qaravi Maticaia, ko iratou na luvena tagane, kei iratou na tacina, era sa le tinikarua:

²² ai katinikalima sa qaravi Jirimoci, ko iratou na luvena tagane, kei iratou na tacina, era sa le tinikarua:

²³ ai katinikaono sa qaravi Enanaia, ko iratou na luvena tagane, kei iratou na tacina, era sa le tinikarua:

²⁴ ai katinikavitu sa qaravi Josipikasa, ko iratou na luvena tagane, kei iratou na tacina, era sa le tinikarua:

²⁵ ai katinikawalu sa qaravi Anani, ko iratou na luvena tagane, kei iratou na tacina, era sa le tinikarua:

²⁶ ai katinikaciwa sa qaravi Maloci, ko iratou na luvena tagane, kei iratou na tacina, era sa le tinikarua:

²⁷ ai karuasagavulu sa qaravi Iliaca, ko iratou na luvena tagane, kei iratou na tacina, era sa le tinikarua:

²⁸ ai karuasagavulu ka dua sa qaravi Ociri, ko iratou na luvena tagane, kei iratou na tacina, era sa le tinikarua:

²⁹ ai karuasagavulu ka rua sa qaravi Kitaliti, ko iratou na luvena tagane, kei iratou na tacina, era sa le tinikarua:

³⁰ ai karuasagavulu ka tolu sa qaravi Meesioci, ko iratou na luvena tagane, kei iratou na tacina, era sa le tinikarua:

³¹ ai karuasagavulu ka va sa qaravi Romamiti-eseri, ko iratou na luvena tagane, kei iratou na tacina, era sa le tinikarua.