1 Veigauna 2 - Vakavakadewa Makawa

O ira na luve i Isireli, 1,2. O ira ka tubu vei Juta, 3-55.

¹ O ira oqo na luve i Isireli era tagane: ko Rupeni, ko Simioni, ko Livai, kei Juta, ko Isakari, kei Sepuloni,

² ko Tani, ko Josefa kei Penijamini, ko Nafitalai, ko Kata, kei Aseri.

³ O iratou na luve i Juta eratou tagane: ko Eri, kei Onani, kei Sela: ko iratou tolutolu oqo sa vakasucuma ko Paci-sua na yalewa ni Kenani. A sa ca e na mata i Jiova ko Eri na ulumatua i Juta; a sa vakamatei koya ko Jiova.

⁴ A sa vakasucumi Feresi kei Sira vua ko Tema na vugona. O iratou kece na luve i Juta ka tagane eratou lewe lima.

⁵ Oi rau na tagane na luve i Feresi: ko Esironi, kei Emuli.

⁶ Ia ko iratou na luve i Sira ka tagane: ko Simirai, kei Icani, kei Imani kei Kalikoli, kei Tara; ko iratou kece sa lewe lima.

⁷ Ia na tagane na luve i Kamai: ko Ekani, o koya ka vakararawataki Isireli, ka caka ca e na ka sa vakatabui.

⁸ Ia na luve i Icani ka tagane: ko Asaraia.

⁹ O iratou talega na luve i Esironi, eratou tagane: ko Jiramieli, kei Rami, kei Kilupai.

¹⁰ A sa sucu na luve i Rami ko Aminatapi; a sa sucu na luve i Aminatapi ko Nasoni, a nodra turaga na luve i Juta;

¹¹ a sa sucu na luve i Nasoni ko Salima, a sa sucu na luve i Salima ko Poasa,

¹² a sa sucu na luve i Poasa ko Opeti, a sa sucu na luve i Opeti ko Jese;

¹³ a sa sucu na luve i Jese ko Iliapi ka ulumatua, kei Epinatapi na kenai karua, kei Simea na kenai katolu,

¹⁴ ko Nicaneli na kenai kava, ko Ratei na kenai kalima,

¹⁵ ko Osemi na kenai kaono, ko Tevita na kenai kavitu:

¹⁶ a ganedratou ko Seruaia kei Apikali. Ia na tagane ka luve i Seruaia: ko Apisai, kei Joapi, kei Asaeli, eratou lewe tolu.

¹⁷ A sa vakasucumi Amasa ko Apikali; ia na tama i Amasa ko Jica na luve i Isimeli.

¹⁸ A sa sucu eso na luve i Kelepi, o koya na luve i Esironi ka tagane, vei Asupa na watina, kei Jirioci: ko iratou oqo na luvena: ko Jeseri, kei Sopapi, kei Eritoni:

¹⁹ Ia ni sa mate ko Asupa, sa vakawati kei Efiraca ko Kelepi, a sa dua na luvedrau, ko Uri.

²⁰ A sa sucu na luve i Uri, ko Urei, a sa sucu na luve i Urei, ko Pisalieli.

²¹ Ia emuri sa vakawati ko Esironi kei na luve i Mekiri na tama i Kiliati, ni sa onosagavulu na nona yabaki; a sa dua na luvedrau, ko Sikupi.

²² A sa sucu na luve i Sikupi ko Jairi, o koya ka ruasagavulu ka tolu na nona koro e na vanua ko Kiliati.

²³ A sa tauri Kesuri kei Erami ko koya maivei ira, kei na veikoro i Jairi, kei Kinaci, kei na kena veikoro, e onosagavulu na koro. Oqo kecega ka nodra na luve i Mekiri na tama i Kiliati.

²⁴ Ia ni sa mate ko Esironi mai Kelepi-efiraca, sa qai vakasucumi Asuri na tama i Tikoa, ko Epaia na wati i Esironi.

²⁵ Ia ko iratou na tagane oqo na luve i Jiramieli na ulumatua i Esironi: ko Rami na ulumatua, kei Puna, kei Oreni, kei Osemi, kei Eaija.

²⁶ A sa dua tale na wati i Jiramieli, na yacana ko Atara; o koya na tina i Onama.

²⁷ Ia ko iratou na tagane oqo na luve i Rami na ulumatua i Jiramieli: ko Measi, kei Jamini, kei Ika.

²⁸ Ia koi rau na luve i Onama: ko Samei, kei Jeta. Ia koi rau na luve i Samei ka tagane: ko Netapi, kei Episuri.

²⁹ Ia na yaca ni wati i Episuri ko Epaieli, a sa sucu ko Apani kei Moliti na luvedrau.

³⁰ Ia koi rau na luve i Netapi ka tagane: ko Seleti, kei Epaimi: sa mate ko Seleti ka sega na luvena.

³¹ Ia na luve i Epaimi ka tagane: ko Isai. Ia na luve i Isai ka tagane: ko Sesani. Ia na luve i Sesani ka tagane: ko Alai.

³² Ia koi rau na luve i Jeta ka tagane na taci i Samei: ko Jica, kei Jonacani; a sa mate ko Jica ka sega na luvena.

³³ Ia koi rau na luve i Jonacani ka tagane: ko Peleci, kei Sasa. O ira oqo na kawa i Jiramieli.

³⁴ Ia ko Sesani sa sega na luvena tagane, eso ga na luvena yalewa. A sa dua na tamata nei Sesani, a kai Ijipita, a yacana ko Jara.

³⁵ Ia ko Sesani sa musuka na luvena yalewa vei Jara na nona tamata me watina; a sa dua na luvedrau na yacana ko Atai.

³⁶ A sa sucu na luve i Atai ko Necani, a sa sucu na luve i Necani ko Sapati,

³⁷ a sa sucu na luve i Sapati ko Efilali,

³⁸ a sa sucu na luve i Efilali ko Opeti; a sa sucu na luve i Opeti ko Jeu, a sa sucu na luve i Jeu ko Asaraia,

³⁹ a sa sucu na luve i Asaraia ko Ilesi, a sa sucu na luve i Ilesi ko Iliasa,

⁴⁰ a sa sucu na luve i Iliasa ko Sisemei,

⁴¹ a sa sucu na luve i Sisemei ko Salumi, a sa sucu na luve i Salumi ko Jikamaia, a sa sucu na luve i Jikamaia ko Ilisama.

⁴² Ia ko ira na kawa i Kelepi na taci i Jiramieli: ko Mesa na nona ulumatua, o koya na tama i Sifi; kei iratou na luve i Maresa ka tagane, na tama i Epironi.

⁴³ Ia ko iratou na luve i Epironi ka tagane: ko Kora, kei Tapua, kei Rikemi, kei Sema.

⁴⁴ A sa sucu na luve i Sema ko Reami, o koya na tama i Joakiami; a sa sucu na luve i Rikemi ko Samei.

⁴⁵ Ia na luve i Samei ko Maoni na tagane; a sa tama i Peci-suri ko Maoni.

⁴⁶ Ia ko Ifa, na watina lailai i Kelepi, sa vakasucumi Erani, kei Mosa, kei Kesesi; a sa sucu na luve i Erani ko Kesesi.

⁴⁷ Ia ko iratou na luve i Jatei: ko Rikemi, kei Jocame, kei Kesemi, kei Pelati, kei Ifa, kei Seafi eratou tagane.

⁴⁸ O Meeka, na watina lailai i Kelepi, sa vakasucumi Seperi kei Tirena.

⁴⁹ Sa vakasucumi Seafi talega, na tama i Matimana, ko Siva na tama i Makipena, kei na tama i Kepa: ia na luve i Kelepi ka yalewa ko Akesa.

⁵⁰ O iratou oqo na luve i Kelepi ka tagane na luve i Uri, na ulumatua i Efiraca: ko Sopali na tama i Kiriaci-jiarimi;

⁵¹ ko Salima na tama i Pecileema, ko Arefi na tama i Peci-kateri.

⁵² A sa so na luve i Sopali ka tagane na tama i Kiriaci-jiarimi: ko Eroe, ka dua na kedra wase na luve i Maneaca.

⁵³ Ia na veimataqali i Kiriaci-jiarimi; ko iratou na luve i Jeceri, kei iratou na luve i Pua, kei iratou na Sumasi, kei iratou na kai Misira; sa tubu maivei iratou ko ira na kai Sora, kei ira na kai Esitaoli.

⁵⁴ O iratou na luve i Salima ka tagane: ko Pecileema, kei ira na kai Nitofa, ko Ataroci, a mataqali i Joapi, ka dua na kedra wase na luve i Maneaca, ko ira na kai Sora.

⁵⁵ Ia na nodra veimataqali na vunivola era tiko mai Jepesi: ko ira na Tiraci, ko ira na luve i Semea, ko ira na Sukaci. O ira oqo na Kenaiti sa tubu maivei Emaci, na tamadra na Rekapaiti.