1 Samuela 21 - Vakavakadewa Makawa

Sa lako ki Nopi ko Tevita, ka kana madrai tabu, 1-6, a sa kauta maikina nai seleiwau i Kolaiaci, 8,9, Sa dro ki Kaca, ka lialiataka na nonai valavala e na mata i tui Kaca, 10-15.

¹ A sa lako ki Nopi ko Tevita kivei Eiimeleki na bete: a sa rere vakalevu ko Eiimeleki ni sa tavaki Tevita; a sa kaya vua, A cava ko sa tiko taudua kina, ka sega na tamata drau sa lako vata kaya?

² A sa kaya ko Tevita vei Eiimeleki na bete, Sa vakarota vei au e dua na ka ko koya na tui, ka kaya vei au, Me kakua sara ni dua na tamata me kila na ka ka'u sa talai iko kina, se na ka ka'u sa vakarota vei iko: ia ka'u sa lesi ira na tamata me tavaki iko e na dua na yasana sa kilai.

³ Ia oqo, a caka beka sa tu vei iko? mo solia mai vei au e lima nai buli madrai, se dua na ka sa tu eke.

⁴ A sa vosa vei Tevita ko koya na bete, ka kaya, Sa sega na madrai wale sa tu vei au, sa tu ga na madrai tabu; kevaka era sa tabu yalewa ko ira na cauravou.

⁵ A sa vosa vua na bete ko Tevita, ka kaya vua, Sa vakatabui vakaidina vei keitou na yalewa ka bogi tolu; ka ni'u sa lako voli mai sa savasava na nodra bilo na cauravou, a sa vaka sa tawa tabu na ka oqori, ka sa levu cake ni sa vakatabui edaidai e na bilo.

⁶ A sa solia vua ko koya na bete na madrai tabu: ni sa sega na madrai tani sa tu maikea, na madrai dauraici ga, sa kau tani mai na mata i Jiova, me viri no na madrai katakata e na siga sa kau tani kina.

⁷ A sa tiko maikea e na siga ko ya e dua vei ira na tamata nei Saula, ni sa wawa tiko e na mata i Jiova; ia na yacana ko Toeki, e dua na kai Itomi, a nodra turaga nai vakatawa ni manumanu nei Saula.

⁸ A sa kaya vei Eiimeleki ko Tevita, Sa sega beka ni tu vei iko eke e dua na moto, se dua nai seleiwau? ni'u sa sega ni kauta mai na noqu i seleiwau se na noqu i yaragi, ni sa vakusakusa na ka ni tui.

⁹ A sa kaya ko koya na bete, Ai seleiwau ga nei Kolaiaci na kai Filisitia, ko a vakamatea e na buca ko Ela, raica, sa viviraki e na dua nai sulu mai daku ni efoti: kevaka ko sa via kauta oqori, mo kauta; ni sa sega tale e dua sa tu eke. A sa kaya ko Tevita, sa sega tale e dua e tautauvata kaya: mo solia mai vei au.

¹⁰ A sa cavu tu ko Tevita, ka dro e na siga ko ya, ni sa rerevaki Saula, ka lako kivei Akisi na tui Kaca.

¹¹ Ia sa kaya vua ko ira na tamata nei Akisi, Sa sega li ni ko Tevita oqo, na tui ni vanua? era sa sega li ni vakasenuqanuqataki koya ka veisausau ka kaya, Sa vakamatea na veiudolu ko Saula, Kei na veiudolu vakatini ko Tevita?

¹² A sa tugana ki na yalona na vosa oqo ko Tevita, a sa rere vakalevu e na mata i Akisi na tui Kaca.

¹³ Ka sai valavala vakatani e na matadra, ka via rairai lialia vei ira, ka vola walega na veisogo ni matamata-ni-koro, ka sa vakasavuya na nonai kasivi ki na kumina.

¹⁴ A sa kaya vei ira na nona tamata ko Akisi, Dou sa raica gona ni sa lialia na tamata oqo: e na cava dou sa kauti koya mai kivei au?

¹⁵ sa lailai beka vei au na tamata lialia, dou sa kauta mai kina na tamata oqo mei valavala vakalialia vei au? ena lako li mai ki na noqu vale na tamata oqo?