1 Samuela 10 - Vakavakadewa Makawa

Sa lumuti Saula ko Samuela, 1; a sa tukuna vua eso na ka ena yaco vua, 2-8. Sa ia na parofisai ko Saula, 9-13. Sa vunia na vosa i Samuela ko Saula maivua na tamana lailai, 14-16. Sa buli ko Saula me tui, 17-27.

¹ A sa taura ko Samuela na tavaya waiwai, ka livia ki na uluna, ka reguci koya, ka kaya, Sa segai beka ni lumuti kemuni ko Jiova mo nodra turaga na nonai votavota?

² Ni kemuni sa lako tani vei au edaidai, ko ni na sota kaya e le rua na tamata sa voleka ki nai bulubulu i Rejeli e na nodra i yalayala na Penijamini mai Selisa; a rau na kaya vei kemuni, Sa kune na asa ko a la'ki qara: ka raica, sa cegu ni nanuma na asa ko tamamuni, a sa nuinuica e na vukumuni, ka kaya, A cava me'u cakava e na vuku ni luvequ?

³ Ia ni kemuni sa lako tani maikea, ka ko ni sa yaco ki na kau mai Tepori, drau na sota maikea kei na le tolu na tamata eratou sa lako cake vua na Kalou ki Peceli, e dua sa colata e tolu na luve ni me, ka dua tale sa colata e tolu nai buli madrai, ka dua tale sa colata e dua na saqa waini:

⁴ a ratou na vakacegui kemuni, ka solia vei kemuni e rua nai buli madrai; ia mo ni taura ga vei iratou.

⁵ Sa oti ko ni na yaco ki na vanua-cecere ni Kalou, sa tiko kina e dua na nodra i valu na kai Filisitia: ia ni kemuni sa lako mai ki kea ki na koro, ko ni na sota kei na dua nai vavakoso parofita era sa lako sobu mai na tikina cecere, kei na dua na soliteri, kei na tibereli, kei na bitu-ni-vakatagi, kei na api, sa liutaki ira; a ra na parofisai lako:

⁶ ia ena yaco vei kemuni na Yalo i Jiova, ka ko ni na parofisai vata kei ira; ia ko ni na vuki me tamata dua tani mai.

⁷ Ia ni na yacovi kemuni na veivakatakilakila oqo, mo ni kitaka na ka sa tu me caka; ni sa tiko vata kei kemuni na Kalou.

⁸ Ia ko ni na liutaki au sobu ki Kilikali; ka raica, au na lako sobu vei kemuni, me'u vakacabora eso nai soro kama, ka me'u vakamatea eso nai soro ni veivinakati; e vitu na siga ko na wawa kina me'u lako mada vei kemuni, ka vakatakila na ka mo ni cakava.

⁹ A sa yaco ni sa vuki ko koya me lako tani vei Samuela, sa saumaka na yalona na Kalou me dua tani mai: a sa yaco nai vakatakilakila kecega oqo e na siga ko ya.

¹⁰ Ia ni rau sa lako mai ki na vanua-cecere, raica, sa sota vata kaya e dua nai vavakoso parofita; a sa lutu vei koya na Yalo ni Kalou, a sa parofisai ko koya e na kedra maliwa.

¹¹ Ia ni ra sa kunea ko ira kecega era a kilai koya eliu, ni sa parofisai vata ko koya kei ira na parofita, era sa dui veikanaka ko ira na tamata, A cava oqo sa yaco vua na luve i Kisi? sa tiko li ko Saula talega vei ira na parofita?

¹² A sa vosa mai e dua na tamata sa tiko maikea, ka kaya, Ia ko cei na tamadratou? O koya oqo sa daukainaki kina, Sa tiko li ko Saula talega vei ira na parofita?

¹³ Ia ni sa oti na nona parofisai, sa lako mai ko koya ki na tikina cecere.

¹⁴ Ia sa kaya vei Saula ko tamana lailai vei koya talega na nona cauravou, Drau a lako kivei? A sa kaya ko koya, Me qara na asa; ia ni keirau a sega ni kunea, keirau a lako vei Samuela.

¹⁵ A sa kaya vei Saula ko tamana lailai, Mo tukuna mada vei au, se cava sa kaya vei kemudrau ko Samuela.

¹⁶ A sa kaya ko Saula vua na tamana lailai, Sa tukuna vakamacala vei keirau ni sa kune na asa. Ia na ka ni matanitu ka vosa kina vua ko Samuela, sa sega ni tukuna vua.

¹⁷ A sa kacivi ira vata na tamata ko Samuela vei Jiova ki Misipe;

¹⁸ a sa kaya vei ira na Isireli, Sa vosa vakaoqo ko Jiova na Kalou ni Isireli, Au a kauti ira na Isireli cake mai Ijipita, ka vakabulai kemuni mai na ligadra na kai Ijipita, kei na liga ni veimatanitu kecega era sa vakasaurarataki kemuni:

¹⁹ ia kemuni sa beca edaidai na nomuni Kalou, o koya ka vakabulai kemuni mai na nomuni vakaloloma kecega kei na nomuni ka rarawa; ia kemuni sa kaya oti vua, Mo lesia ga vei keda e dua na tui. Ia koi kemuni mo ni mai tu edaidai e na mata i Jiova e na nomuni veimataqali kei na nomuni veiudolu.

²⁰ Ia ni sa vakasoqoni ira voleka mai na nodra veimataqali kecega na Isireli ko Samuela, sa vakabau na mataqali i Penijamini.

²¹ Ia ni sa kauta voleka mai na mataqali i Penijamini, me vaka na nodra veivuvale, sa vakabau na vuvale i Matiri, a sa vakabau ko Saula na luve i Kisi: ia ni ra sa qarai koya, sa sega ni kune.

²² Era sa qai tarogi Jiova tale, Sa na lako mai ki ke na tamata, se segai? A sa kaya ko Jiova, Raica, sa vunitaki koya e nai yaya.

²³ A ra sa cici yani ka kauti koya maikea: ia ni sa tu ko koya e na kedra maliwa na tamata, sa balavu cake vei ira na tamata kecega mai na tabana ki buradelana.

²⁴ A sa kaya vei ira na tamata kecega ko Samuela, Dou sa raici koya sa digitaka ko Jiova, ni sa sega e tautauvata kaya vei ira na tamata kecega, se segai? A ra sa kaila ko ira na tamata kecega, ka kaya, Me bula na tui.

²⁵ Sa qai tukuna ko Samuela vei ira na tamata nai valavala ni matanitu, ka vola e na dua nai vola, ka maroroya e na mata i Jiova. A sa talai ira yani na tamata kecega ko Samuela, na tamata yadua ki na nona vale.

²⁶ A sa lako talega yani ko Saula ki na nona vale ki Kipea; a ra sa lako kaya eso na tamata i valu o ira sa vakauqeta na yalodra ko koya na Kalou.

²⁷ Ia ka so na luve ni vu-ni-ca era sa kaya, Ena vakabulai, keda vakaevei na tamata oqo? A ra sa beci koya, ka sega ni kauta vua na ka-ni-loloma Ia sa galu ga kina ko koya.