Nǔnywɛ́xó 18 - MAWUXÓWÉMA

¹ Gbɛtɔ́ e nɔ́ ɖɔ émí ɖokpó tɔn jɛ́n ná nyɔ́ ɔ́, wǔ wɛ é nɔ́ ɖó zɔ nú mɛ bǐ; è kplɔ́n nǔ i ɔ́, xomɛ wɛ é nɔ́ sin.

² Xlonɔ nɔ ba ná mɔ nukúnnú jɛ nǔ mɛ ǎ; nǔ e ɖo taglo tɔn mɛ ɔ́ jlá kpé wɛ nɔ́ myá nukún n'i.

³ Dǐdá ɔ́, wǎn gbɛ́ nú mɛ wɛ nɔ jɛ gǔdo tɔn; zun nɔ dɔn winnyá wá.

⁴ Xó e nɔ́ tɔ́n sín gbɛtɔ́ nu mɛ ɔ́, agbetawoyó wɛ, é gɔ́ngɔ́n ɖésú; nǔnywɛ́ sín jɔtɛn ka nyí tɔsisa e gba wu é.

⁵ É nyɔ́ nú è na nɔ mɛ e wa nǔ nyi do ɔ́ jí, lobo gblé hwɛ dó ta nú mɛ e hwɛ tɔn jɔ é ǎ.

⁶ Xlonɔ xó ɔ́, jlɛ wɛ é nɔ́ dɔn nyi ayǐ; nukikɛ tɔn nɔ dɔn akpotokwín wá.

⁷ Xó e nɔ́ tɔ́n sín xlonɔ nu mɛ ɔ́ jɛ́n nɔ́ lɛ́ wa nǔ dó wǔ tɔn; xó é ɖésúnɔ tɔn nɔ nyí mɔ bɔ é nɔ́ jɛ mɛ.

⁸ Mɛnúɖɔtɔ́ sín xó nɔ́ víví wǐin ɖɔhun; è nɔ nu, bɔ é nɔ́ kpé kan mɛ nú mɛ.

⁹ Mɛ e nɔ dó vɛ̌ nú azɔ̌ é ɖésúnɔ tɔn ɔ́, kpó mɛ e nɔ hɛn azɔ̌ é ɖésúnɔ tɔn gblé ɔ́ kpó ɔ́, nɔví nɔví wɛ yě nyí.

¹⁰ Mawu Mavɔmavɔ ɔ́, ahohó wɛ é nyí; hwɛjijɔnɔ nɔ bɛ ta ɖo glɔ̌ tɔn bó nɔ́ gló nǔ.

¹¹ Dɔkunnɔ nɔ mɔ dɔkun tɔn dó mɔ ahohó; é nɔ́ mɔ ɖɔ dɔkun ná gló nǔ bǐ nú émí.

¹² Gbɛtɔ́ bɛ́ goyíyí ɔ́, nǔ tɔn nɔ jɛ gblégblé jí; mɛ e ka sɔ́ éɖée hwe ɔ́, è nɔ sɔ́ ɛ su.

¹³ Mɛ e ma nɔ kú hǔn bó nɔ́ se xó cóbó nɔ́ kɛ nu d'é wú ǎ ɔ́, é nɔ́ ɖe xlonɔ e é nyí ɔ́ xlɛ́, bó nɔ́ dó winnyá éɖée.

¹⁴ Azunzɔnnɔ e kpan akɔ́n ɔ́ nɔ́ dɛ ɖo azɔn tɔn mɛ; wǔ ka kú azunzɔnnɔ ɔ́, étɛ́ ka sixú dó wǔ yá lanmɛ n'i?

¹⁵ Gbɛtɔ́ e mɔ nukúnnú jɛ nǔ mɛ ɔ́ nɔ́ ba ná tunwun nǔ; gbɛtɔ́ nǔnywɛ́tɔ́ nɔ ba ná se xó e nɔ ná kplɔ́n mɛ é.

¹⁶ Nǔnámɛ nɔ hun ali nú mɛ, bɔ è nɔ tunwun gbɛtɔ́ nukúnɖéjí.

¹⁷ Mɛ ɖé wá jɛ hwɛ dó nukɔn ɔ́, è nɔ mɔ ɖɔ hwɛ tɔn jɔ; mɛ e é dó hwɛ ɔ́ ká wá ɔ́, é nɔ́ flí xó tɔn xwe.

¹⁸ Akɔ wɛ è nɔ nyi bó nɔ́ ɖó nǔdindɔn te; gbɛtɔ́ nukúnɖéjí lɛ́ɛ ná bó ɖo nǔ dɔn wɛ ɔ́, akɔ wɛ è nɔ nyi bó nɔ́ gbo xó nú yě.

¹⁹ Nɔví e è jɛ do ná ɔ́ nɔ́ sú ayi mɛ hɔn dó mɛ, bɔ é nɔ́ syɛ́n hú ahohó; mɔ̌ ɖokpó ɔ́, adɔndindɔn nɔ sú ayi mɛ hɔn dó mɛ, bɔ é nɔ́ syɛ́n hɔntogbó e è glǎ ɔ́ ɖɔhun.

²⁰ Xó e nɔ́ tɔ́n sín gbɛtɔ́ nu mɛ ɔ́ hɛn ɔ́, é ná ná ɛ nǔɖuɖu; xó e é nɔ́ ɖɔ ɔ́ ná dó alɔ ɛ bɔ é ná mɔ gbɛ tɔn nu.

²¹ Xó ɔ́, kú kpó gbɛ kpó bǐ wɛ ɖ'é mɛ; mɛ e yí wǎn nú xó ɔ́, xó ɔ́ ji nǔɖé ɔ́, é ná sɔ́ kpan.

²² Mɛ e mɔ asi ɔ́, nǔ wɛ nyɔ́ n'i; Mawu Mavɔmavɔ wɛ wa ɖagbe énɛ́ ɔ́ n'i.

²³ Wamamɔnɔ ɖo xó ɖɔ nú mɛ wɛ ɔ́, vo wɛ é nɔ sa nú mɛ; dɔkunnɔ ká nɔ kán gbe nú mɛ.

²⁴ Xɔ́ntɔn ɖé lɛ́ɛ nɔ́ wá húzú awě bó nɔ́ xo mɛ; lo ɔ́, xɔ́ntɔn zɔnjɛzɔnfɔ́n ɔ́, è nɔ mɔ ɛ ɖo gúdo hú nɔví.