Nɛɛmíi 7 - MAWUXÓWÉMA

Lě e è nǎ cɔ́ toxo ɔ́ gbɔn é

¹ Ée è blǒ dǒ ɔ́ ɖó fó ɔ́, un dó hɔn lɛ́ɛ; énɛ́ ɔ́ gúdo ɔ́, hɔnjínɔtɔ́ lɛ́ɛ, hanjitɔ́ lɛ́ɛ, kpó Levíi ví lɛ́ɛ kpó bɛ́ azɔ̌.

² Un sɔ́ to ɔ́ dó alɔ mɛ nú nɔví ce Hanáni kpódó Hananiya ahwangán ɔ́ kpó. Hananiya ahwangán ɔ́ wɛ kpa acɛ nú Jeluzalɛ́mu toxo ɔ́. Gbɛtɔ́ ɖeji d'é wú ɖé wɛ nyí nya énɛ́ ɔ́, bó ɖo gbejí nú Mawu hú mɛ gěgé.

³ Énɛ́ ɔ́ gúdo ɔ́, un ɖɔ nú yě ɖɔ: cóbónú è nǎ hun hɔntogbó lɛ́ɛ ɔ́, hwe ná ko tɔ́n bó ná ko yi jǐ tawun. Gbadanu ɔ́, è na sú hɔntogbó lɛ́ɛ, bó dó gan mɛ có hɔnjínɔtɔ́ lɛ́ɛ ná gosín azɔ̌ jí. Jeluzalɛ́munu lɛ́ɛ ná ɖó tito ɖé ɖ'ayǐ nú yě, bɔ mɛ ɖokpó ɖokpó ná ɖo azɔ̌ tɔn jí, ɖo xwé tɔn nukɔn.

Jwifu e lɛ́ kɔ sín kannumɔgbénu wá Palɛsitínu lɛ́ɛ

⁴ Jeluzalɛ́mu sín toxo gbló tawun, có gbɛtɔ́ e ɖo toxo ɔ́ mɛ lɛ́ɛ sukpɔ́ ǎ, bɔ xwé gěgé tíin bɔ è ko vɔ́ bló ɖó ǎ.

⁵ Mawu sɔ́ ayi dó xomɛ nú mì bɔ un kplé tonukún lɛ́ɛ, toxo ɔ́ sín gǎn lɛ́ɛ, kpódó togun ɔ́ bǐ kpó, bó sɔ́ kɛ́n yětɔn. Un mɔ wěma e mɛ è wlǎn mɛ nukɔntɔn e lɛ́ kɔ sín kannumɔgbénu wá lɛ́ɛ sín nyǐkɔ dó é. Nǔ e un mɔ ɖ'é mɛ lɛ́ɛ ɖíe:

⁶ Mɛ e Dadá Babilɔ́nu tɔn Nabukodonɔzɔ́ɔ kplá yi kannumɔgbénu lɛ́ɛ ɔ́, yě mɛ e lɛ́ kɔ wá Jeluzalɛ́mu kpó yě mɛ e lɛ́ kɔ wá Judáa lɛ́ɛ kpó sukpɔ́ ɖésú. Mɛ ɖokpó ɖokpó lɛ́ kɔ wá yi to tɔn mɛ.

⁷ Zolobabɛ́li kpó Jozuwée kpó, kpó Nɛ̌ɛmíya kpó, kpó Azalya kpó, kpó Hlaamiya kpó, kpó Naxámani kpó, kpó Mɔdokayi kpó, kpó Bilucáni kpó, kpó Misipɛlɛti kpó, kpó Bigiwayi kpó, kpó Nɛwúmu kpó, kpódó Baana kpó wɛ nɔ yě nu, bó kplá yě wá. Xwédo ɖěɖě e gosín kannumɔgbénu lɛ́ɛ, kpódó mɛ nabí nabí e ɖo xwédo ɖokpó ɖokpó mɛ lɛ́ɛ kpó ɖíe:

⁸ Palewɔ́ci sín vǐ lɛ́ɛ ɔ́, yě mɛ afɔwó kɛnnɛ wěwe (2.172) wɛ.

⁹ Cefátiya sín vǐ lɛ́ɛ ɔ́, yě mɛ afɔɖé kɛnnɛ wěwe (372) wɛ.

¹⁰ Aláxi sín vǐ lɛ́ɛ ɔ́, yě mɛ nǔwɔntɔn kanɖé wěwe (652) wɛ.

¹¹ Paxáti-Mɔwabu sín vǐ lɛ́ɛ ɔ́, yě mɛ afɔwó-afɛnɛ afɔtɔn-nukún-atɔn (2.818) wɛ; Yecúwa kpó Yowábu kpó ví wɛ nú yě.

¹² Elámu sín vǐ lɛ́ɛ ɔ́, yě mɛ afayizɛ́n kanɖé wɛ̌nɛ (1.254) wɛ.

¹³ Zatú sín vǐ lɛ́ɛ ɔ́, yě mɛ afɛnɛ kanɖé atɔ́ɔ́n (845);

¹⁴ Zakáyi sín vǐ lɛ́ɛ ɔ́, yě mɛ nǔwɔntɔn kɛnnɛ (760) wɛ.

¹⁵ Binuyi sín vǐ lɛ́ɛ ɔ́, yě mɛ nǔwɔntɔn kanɖé tántɔn (648) wɛ.

¹⁶ Bevayi sín vǐ lɛ́ɛ ɔ́, yě mɛ nǔwɔntɔn koatɔ́n-nukún-atɔn (628) wɛ.

¹⁷ Azigadi sín vǐ lɛ́ɛ ɔ́, yě mɛ afɔwó-afɔɖé kantɔn-nukún-we (2.322) wɛ.

¹⁸ Adonikámu sín vǐ lɛ́ɛ ɔ́, yě mɛ nǔwɔntɔn kanɖé koatɔ́n nukún we (667) wɛ.

¹⁹ Bigiwayi sín vǐ lɛ́ɛ ɔ́, yě mɛ afɔwó kanɖé koatɔ́n nukún we (2.067) wɛ.

²⁰ Adini sín vǐ lɛ́ɛ ɔ́, yě mɛ nǔwɔntɔn kanɖé afɔtɔn (655) wɛ.

²¹ Atɛ́ɛ sín vǐ lɛ́ɛ ɔ́, yě mɛ kanwe afɔtɔn-nukún-atɔn (98) wɛ. Yexizikiya ví wɛ nú yě.

²² Hacúmu sín vǐ lɛ́ɛ ɔ́, yě mɛ afɔɖé kantɔn tántɔn (328) wɛ.

²³ Besayi sín vǐ lɛ́ɛ ɔ́, yě mɛ afɔɖé kantɔn nukún-ɛnɛ (324) wɛ.

²⁴ Halifu sín vǐ lɛ́ɛ ɔ́, súnnu kanwe gban-nukún-we (112) wɛ.

²⁵ Gabawɔ́ɔnnu lɛ́ɛ ɔ́, yě mɛ kanwe afɔtɔn (95) wɛ.

²⁶ Bɛteleyɛ́munu lɛ́ɛ kpó Nɛtofanu lɛ́ɛ kpó ɔ́, yě mɛ kɛnnɛ koatɔ́n-nukún-atɔn (188) wɛ.

²⁷ Anatɔ́tinu lɛ́ɛ ɔ́, yě mɛ kantɔn tántɔn (128) wɛ.

²⁸ Bɛti-Azimawɛ́tinu lɛ́ɛ ɔ́, yě mɛ kanɖé-nukún-we (42) wɛ.

²⁹ Kiliyati-Yealimunu lɛ́ɛ kpó Kefilanu lɛ́ɛ kpó, kpó Beelɔ́tinu lɛ́ɛ kpó ɔ́, yě mɛ nǔwɔntɔn kantɔn ko nukún-atɔn (743) wɛ.

³⁰ Hlamanu lɛ́ɛ kpó Gɛvanu lɛ́ɛ kpó ɔ́, yě mɛ nǔwɔntɔn ko-nukún-ɖokpó (621) wɛ.

³¹ Mikumasinu lɛ́ɛ ɔ́, yě mɛ kantɔn-nukún-we (122) wɛ.

³² Betɛ́linu lɛ́ɛ kpó Ayíinu lɛ́ɛ kpó ɔ́, yě mɛ kantɔn-nukún-atɔn (123) wɛ.

³³ Nɛbo ɖě ɔ́ nu lɛ́ɛ ɔ́, yě mɛ kanɖé wěwe (52) wɛ.

³⁴ Elámu ɖě ɔ́ sín vǐ lɛ́ɛ ɔ́, yě mɛ afayizɛ́n kanɖé wɛ̌nɛ (1.254) wɛ.

³⁵ Halimu sín vǐ lɛ́ɛ ɔ́, yě mɛ afɔɖé kantɔn wɛ (320).

³⁶ Jelikonu lɛ́ɛ ɔ́, yě mɛ afɔɖé kantɔn ko atɔ́ɔ́n wɛ (345).

³⁷ Lodinu lɛ́ɛ kpó Hadídinu lɛ́ɛ kpó Onɔnu lɛ́ɛ kpó ɔ́, yě mɛ nǔwɔntɔn kantɔn-nukún-ɖokpó wɛ (721).

³⁸ Senáanu lɛ́ɛ ɔ́, yě mɛ afɔwó-afɔtɛ́nnɛ kantɔn wǒ (3.930) wɛ.

³⁹ Vɔ̌sánú-xwlémawutɔ́ gbɛ́ta lɛ́ɛ ɔ́, yě mɛ afɛnɛ kɛnnɛ wǎtɔn (973) wɛ; Yecúwa ví wɛ nú yě.

⁴⁰ Imumɛ́ɛ sín vǐ lɛ́ɛ ɔ́, yě mɛ afatɔ́n kanɖé wěwe (1.052) wɛ.

⁴¹ Pacehúu sín vǐ lɛ́ɛ ɔ́, yě mɛ afatɔ́n afɔɖé kanɖé tɛ́nwe (1.247) wɛ.

⁴² Halimu sín vǐ lɛ́ɛ ɔ́, yě mɛ afatɔ́n afɔtɔn nukún we (1.017) wɛ.

⁴³ Levíi ví lɛ́ɛ sín gbɛ̌ta ɔ́, yě mɛ kanɖé gban-nukún-ɛnɛ (74) wɛ ɖ'é mɛ. Yecúwa kpó Kadimiyɛ́li kpó sín vǐ wɛ nú yě; Hodiwa kún mɛ wɛ yě jɔ ɖe.

⁴⁴ Gbɛ̌ta e nɔ ji han nú Mawu lɛ́ɛ ɔ́, Asáfu sín vǐ wɛ yě nyǐ; yě mɛ kantɔn koatɔ́n-nukún-atɔn (148) wɛ.

⁴⁵ Gbɛ̌ta e nɔ́ nɔ hɔn jí lɛ́ɛ ɔ́, yě mɛ kantɔn afɔtɔn-nukún-atɔn (138) wɛ ɖ'é mɛ. Calúmu kpó Atɛ́ɛ kpó, kpó Talumɔ́ni kpó, kpó Akúvu kpó, kpó Hatíta kpó, kpódó Covayi kpó sín vǐ wɛ nú yě.

⁴⁶ Mɛ kpaa e nɔ wa azɔ̌ ɖo Mawu xwé lɛ́ɛ é ɖíe: Siha ví lɛ́ɛ, Hasafu ví lɛ́ɛ, Tabawɔ́ti ví lɛ́ɛ,

⁴⁷ Kelɔ́si ví lɛ́ɛ, Sia ví lɛ́ɛ, Padɔ́ni ví lɛ́ɛ,

⁴⁸ Levana ví lɛ́ɛ, Hagáva ví lɛ́ɛ, Calumayi ví lɛ́ɛ,

⁴⁹ Hanáni ví lɛ́ɛ, Gidɛ́li ví lɛ́ɛ, Gaxáa ví lɛ́ɛ,

⁵⁰ Hleaya ví lɛ́ɛ, Hlesini ví lɛ́ɛ, Nɛkoda ví lɛ́ɛ,

⁵¹ Gazamu ví lɛ́ɛ, Wuza ví lɛ́ɛ, Paseya ví lɛ́ɛ,

⁵² Besayi ví lɛ́ɛ, Mɛwunimu ví lɛ́ɛ, Nɛficisímu ví lɛ́ɛ,

⁵³ Bakibúki ví lɛ́ɛ, Hakúfa ví lɛ́ɛ, Haahúu ví lɛ́ɛ,

⁵⁴ Basiliti ví lɛ́ɛ, Mɛxida ví lɛ́ɛ, Haaca ví lɛ́ɛ,

⁵⁵ Baakosi ví lɛ́ɛ, Sisela ví lɛ́ɛ, Tamáxi ví lɛ́ɛ,

⁵⁶ Nɛsíyaxi ví lɛ́ɛ kpódó Hatífa ví lɛ́ɛ kpó.

⁵⁷ Mɛsɛntɔ́ Salomɔ́ɔ tɔn lɛ́ɛ ɔ́, vǐ yětɔn sín gbɛ̌ta ɔ́, mɛ e ɖ'é mɛ lɛ́ɛ ɖíe: Sotayi ví lɛ́ɛ, Sofelɛ́ti ví lɛ́ɛ, Pelida ví lɛ́ɛ,

⁵⁸ Yaala ví lɛ́ɛ, Daakɔ́ni ví lɛ́ɛ, Gidɛ́li ví lɛ́ɛ,

⁵⁹ Cefátiya ví lɛ́ɛ, Hatílu ví lɛ́ɛ, Pokelɛ́ti-Xa-Cevayímu ví lɛ́ɛ kpó, kpó Amɔ́ni ví lɛ́ɛ kpó.

⁶⁰ Mɛ kpaa e nɔ wa azɔ̌ ɖo Mawu xwé lɛ́ɛ kpó Salomɔ́ɔ ví lɛ́ɛ kpó bǐ kplékplé bló afɔɖé kɛnnɛ gban-nukún-we (392).

⁶¹ Mɛ e lɛ́ kɔ sín kannumɔgbénu wá Tɛ́lu-Mɛláxi lɛ́ɛ kpó mɛ e wá Tɛlu-Xacaa lɛ́ɛ kpó, kpó mɛ e wá Kelúbi-Adidɔ́ni lɛ́ɛ kpó, kpó Imumɛ́ɛ lɛ́ɛ kpó lɛ́ɛ ɔ́, ée yě lɛ́ kɔ wá Jeluzalɛ́mu ɔ́, yě sɔ́ sixú ɖɔ kún é mɛ yě gosín é, bó ná dó ɖe xlɛ́ ɖɔ Izlayɛ́li ví wɛ émí nyí ǎ.

⁶² Deláya kpó Toviya kpó, kpó Nɛkoda kpó sín vǐ lɛ́ɛ wɛ. Yě bǐ kplékplé bló nǔwɔntɔn kanɖé-nukún-we (642).

⁶³ Vɔ̌sánú-xwlémawutɔ́ ɖé lɛ́ɛ tíin bó ɖo ninɔmɛ ɖokpó ɔ́ mɛ. Hovaya kpó Hakɔ́si kpó Baaziláyi kpó sín vǐ lɛ́ɛ wɛ. È nɔ ylɔ́ mɛ énɛ́ ɔ́ ɖɔ Baaziláyi ɖó é da Baaziláyi Galadinu ɔ́ sín vǐ ɖokpó.

⁶⁴ Yě ba wěma e mɛ è wlǎn tɔ́gbó yětɔn lɛ́ɛ sín nyǐkɔ dó ɔ́ káká, yě ká mɔ ǎ. Bɔ Jwifu lɛ́ɛ nɔ mɔ yě dó mɔ mɛ blíblí, bo gbɛ́ ɖɔ yě kún ná wa vɔ̌sánú-xwlémawutɔ́ zɔ ɔ́ ó.

⁶⁵ Tokpɔngán ɔ́ ɖésú gbɛ́ nú yě ɖɔ yě ní má ɖu vɔ̌sánú mímɛ́ bǐ ɔ́ ó. Yě ní nɔ mɔ̌ káká jɛ hwe e nu vɔ̌sánú-xwlémawutɔ́ ɖokpó ná sɔ́ Wulímu kpó Tumímu kpó bó ná tunwun lě e yě ná wa nǔ gbɔn é.

⁶⁶ Izlayɛ́li ví e gosín kannumɔgbénu wá lɛ́ɛ ɔ́, bǐ kplékplé bló adɔ̌kpo we afɔwó-afɔɖé kɛnnɛ (42.360).

⁶⁷ Bɔ yě kplá mɛsɛntɔ́ súnnu kpó nyɔ̌nu kpó děgba ɖě afɔwó-afayizɛ́n kantɔn afɔtɔn-nukún-we (7.337). Hanjitɔ́ súnnu kpó nyɔ̌nu kpó afɔɖé kanɖé atɔ́ɔ́n (245) wɛ yě hɛn wá,

⁶⁸ bó hɛn lǎkúnmí afɔwe gbantɔ́n (435), kpó tócí děgba ɖě afɔwó nǔwɔntɔn kantɔn (6.720) kpó.

⁶⁹ Hɛ̌nnugán ɖé lɛ́ɛ ná nǔ, bɔ è do gbá Mawu xwé ɔ́ ná; tokpɔngán ɔ́ ná sikágan afatɔ́n (1.000), bó ná kɔ́fu kanɖé wǒ (50), bó ná awu gaga e vɔ̌sánú-xwlémawutɔ́ lɛ́ɛ nɔ́ dó é gban (30), bó ná kpatágan kilóo afɔɖé kanɖé wǒ (50) nú Tɛn mímɛ́ bǐ ɔ́.

⁷⁰ Nǔ e hɛ̌nnugán lɛ́ɛ ná ɔ́ yi sikágan adɔ̌kpo ɖokpó (20.000) kpó kpatágan kilóo afɔwó-afɔɖé (2.200) kpó.

⁷¹ Izlayɛ́li ví ɖě lɛ́ɛ ná sikágan adɔ̌kpo ɖokpó (20.000), bó ná kpatágan kilóo afatɔ́n (1.000), bó ná awu gaga e vɔ̌sánú-xwlémawutɔ́ lɛ́ɛ nɔ́ dó ɔ́ kanɖé koatɔ́n-nukún-we (67).

⁷² Vɔ̌sánú-xwlémawutɔ́ lɛ́ɛ, Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, mɛ e nɔ wa azɔ̌ kpaa ɖo Mawu xwé lɛ́ɛ, kpódó Izlayɛ́li ví lɛ́ɛ bǐ kpó yi toxo yětɔn yětɔn mɛ, bó nɔ fínɛ́. Sun tɛ́nwegɔ́ ɔ́ ée ɖo xwe ɔ́ mɛ ɔ́, Izlayɛ́li ví lɛ́ɛ bǐ gosín toxo e mɛ yě ɖe lɛ́ɛ bó wá Jeluzalɛ́mu.