Naxúmu 2 - MAWUXÓWÉMA

¹ Judáanu lɛ́ɛ mi, mɛ e ɖo fífá wɛn ɔ́ jlá wɛ ɔ́ ɖíe gosín só jí jǎwe e. Mi ɖu xwe mitɔn e mi nɔ ɖu lɛ́ɛ, mi ɖe akpá e mi dó nú Mawu lɛ́ɛ, ɖó mɛ nyanya ɔ́ sɔ́ ná wá mi gɔ́n ǎ; è ko vívá kún tɔn bǐ gbídígbídí.

² Ninívunu e mi, nǔhɛngblétɔ́ ɔ́ ɖo gbě mitɔn mɛ. Mi cɔ́ ahohó mitɔn. Mi cɔ́ ali ɔ́. Mi xo ahwanfuntɔ́ mitɔn lɛ́ɛ kplé, bó sɔ́ ahwan nú.

³ Ɖó Mawu Mavɔmavɔ lɛ́ ɖo susu e nyí Jakɔ́bu ví lɛ́ɛ tɔn ɔ́ sɔ́ jó nú yě wɛ, bó lɛ́ ɖo ée nyí Izlayɛ́li ví lɛ́ɛ tɔn ɔ́ sɔ́ jó nú yě wɛ. Mɛvɔtɔ́ lɛ́ɛ ko vɔ yě ɖ'ayǐ, bó ko hɛn vǐwungbo yětɔn bǐ gblé.

È tɔ́n ahwan Ninívu toxo ɔ́

⁴ Ahwanfuntɔ́ syɛ́nsyɛ́n e ɖo kɛntɔ́ ɔ́ sín ahwankpá ɔ́ mɛ lɛ́ɛ hɛn gǎglónú vɔvɔ, sɔ́ja lɛ́ɛ ɖésú ká dó awu vɔvɔ cɛ́cɛ́. Hwenu e yě ɖo gbesisɔ mɛ bo ná fun ahwan ɔ́, ahwankɛkɛ́ lɛ́ɛ nɔ kán zo myɔ ɖɔhun, hwǎn lɛ́ɛ bǐ kó ɖo jǐ.

⁵ Ahwankɛkɛ́ lɛ́ɛ ɖidó ahwangbénu, bó ɖo hwlɛndó jí bó kpé fí bǐ. A mɔ yě lě ɔ́, a nǎ vɛdó zohwín wɛ sín, bɔ yě ɖo wezun jí jǐkɛwun ɖɔhun.

⁶ Axɔ́sú Ninívu tɔn ylɔ́ ahwangán tɔn lɛ́ɛ. Yě ká ɖo sa fún wɛ ɖo yiyi wɛ. Mɛ e ka wá tɔ́n ahwan yě lɛ́ɛ ká yá wǔ yí yɛ dó ahohó ɔ́ wú, bó kó ɖo acéjí.

⁷ È nǎ mɔ nǔɖé kpowun ɔ́, hɔntogbó e nu è nɔ gbɔn yi tɔsisa lɛ́ɛ kɔn ɔ́ jɛ́n hun, bɔ ahohó hɔnmɛ tɔn ɔ́ jɛ mumu jí.

⁸ Acɔnkwín! È blǒ nú axɔ́si ɔ́ nɛ́! È ɖe e nyi mɛ̌, bó sɔ́ ɛ hɛn yi. Mɛsɛntɔ́ tɔn nyɔ̌nu lɛ́ɛ ɖo jiji sɔ́ wɛ ahwannɛ́ ɖɔhun, bó ɖo akɔ́nta xo wɛ.

⁹ Ninívu toxo ɔ́, gbɛtɔ́ wɛ gɔ́ ɖ'ayǐ sin gɔ́ gannú ɖɔhun. Yě ɖíe ka ɖo hinhɔn yi wɛ sin ɖo lǔlǔlúlú sín gannú mɛ wɛ ɖɔhun e. È sú xó bó ɖɔ: “Mi nɔ te! Mi nɔ te!” Mɛ ɖěbǔ ká lɛ́ kɔ ǎ.

¹⁰ Mi bɛ́ kpatágan! Mi bɛ́ siká! Dɔkun e ɖo to ɔ́ mɛ ɔ́ sixú vɔ gbeɖé ǎ; dɔkun nukúnɖéjí alɔkpa alɔkpa lɛ́ɛ bǐ wɛ ɖo fínɛ́.

¹¹ È vɔ xwé ɔ́; è hɛn nǔ bǐ gblé; è vɔ toxo ɔ́; wǔ kú mɛ bǐ. Mɛ ɖé sɔ́ syɛ́n dɔn ɖo toxo ɔ́ mɛ ǎ, mɛ bǐ nɔ sísɔ́, mɛ bǐ blá wǔ ɖo nukún mɛ.

Ninívu toxo ɔ́ cí kinnikínní e jí è ɖu ɖe ɔ́ ɖɔhun

¹² Nɛ̌ wɛ kinnikínní sín nɔtɛn énɛ́ ɔ́ tɔn ká wá nyí gbɔn , bɔ kinnikínní sín nɔtɛn lɛ́ɛ ɖo Ninívu toxo ɔ́ nyí wɛ. Nǔɖutɛn kinnikínníví lɛ́ɛ tɔn énɛ́ ɔ́, fí énɛ́ e kinnikínní asú, kinnikínní asi kpó kinnikínníví kpó nɔ yi cí, bɔ mɛ ɖěbǔ ma nɔ sixú dó tagba nú yě ǎ ɔ́, nɛ̌ wɛ xó tɔn ká wá nyí gbɔn nɛ́?

¹³ Kinnikínní asú ɔ́ nɔ wlí lan bó nɔ́ vún nú vǐ tɔn lɛ́ɛ; é nɔ́ gbo gbe lan bó nɔ́ ná kinnikínní asi lɛ́ɛ. É nɔ́ wlí lan bo nɔ vún gɔ́ nɔtɛn tɔn.

¹⁴ Mawu Mavɔmavɔ Nǔbǐwúkpétɔ́ ɔ́ ɖɔ: “Éɖíe, un ɖo biba we wɛ. Un ná dó ahwankɛkɛ́ towe lɛ́ɛ zo, bɔ bǐ ná ji kɔn afín. Dɔ̌nkpɛvú towe lɛ́ɛ ná cí ahwan. Un ná ɖó ajo e ja wɛ a ɖe ɔ́ te, bɔ è sɔ́ ná se wɛnsagun towe lɛ́ɛ sín gbe gbeɖé ǎ.”