Jɔ̌bu 25 - MAWUXÓWÉMA

Biludádi yí xó bó ɖɔ Mawu kpa acɛ gbɔn fí bǐ

¹ Biludádi Cuwáxinu ɔ́ yí xó bó ɖɔ:

² Mawu ɔ́, hlɔ̌nhlɔ́n tɔn d'agba bó jí wǔ. É bló bɔ fífá tíin ɖo jǐxwé aga.

³ Mɛ̌ ka sixú xa ahwangɔnu tɔn lɛ́ɛ? Mɛ̌ jí wɛ wěziza tɔn ma ka nɔ hɔ́n dó ǎ?

⁴ Nɛ̌ gbɛtɔ́ ka sixú nyí hwɛjijɔnɔ ɖo Mawu nukɔn gbɔn? Nɛ̌ é sixú nyí mɛ mímɛ́ gbɔn?

⁵ Sun ɖésú za wě ɖo Mawu nukún mɛ ǎ, sunví lɛ́ɛ ɖésú za wě ɖo nukún tɔn mɛ ǎ.

⁶ Ényí nǔ ɖo mɔ̌ ɔ́, gbɛtɔ́ tɔn sɔ́ nyí ɖiɖɔ ǎ. Gbɛtɔ́ ɔ́ wěvú kpowun wɛ.