Ezayíi 20 - MAWUXÓWÉMA

¹ Axɔ́sú Asilíi tɔn Saagɔ́ɔn ná gbe ahwangán tɔn ɖaxó e kpa acɛ dó ahwangɔnu Asilíi tɔn nu é, bɔ é yi tɔ́n ahwan Acidɔ́di toxo ɔ́ bó ɖu ɖ'é jí.

² É kpo xwe atɔn bɔ è nǎ yí Acidɔ́di toxo ɔ́, Mawu Mavɔmavɔ ɖɔ nú Ezayíi Amɔ̌si ví ɔ́ ɖɔ: “A nǎ tún nǔwamɛvɔ e a sin dó alin é, bó ná ɖe afɔkpa e a dǒ é.” Énɛ́ ɔ́, Ezayíi bló nǔ e Mawu Mavɔmavɔ ɖɔ é, bó jɛ goklé, bó ɖo sa ɖi wɛ afɔvɔ́. Hwenu e è yǐ Acidɔ́di é ɔ́, Mawu Mavɔmavɔ ɖɔ gbɔn Ezayíi jí ɖɔ:

³ “Xwe atɔn ɖíe bló wɛ é ɖe din, bɔ mɛsɛntɔ́ ce Ezayíi ɖo goklé, bó ɖo sa ɖi wɛ afɔvɔ́ e. Nǔ énɛ́ ɔ́, nǔ e ná jɛ dó Ejípu kpó Etiopíi kpó wú ɔ́ sín xlɛ̌ wɛ.

⁴ Axɔ́sú Asilíi tɔn ná wlí Ejípunu lɛ́ɛ kpó Etiopíinu lɛ́ɛ kpó. É ná wlí yɔkpɔ́vú kpó mɛxó kpó hɛn yi, bɔ yě ná húzú gantɔ́ tɔn. Yě ná nɔ mɛ̌, bó nɔ afɔvɔ́ Ezayíi ɖɔhun bɔ é ná kplá yě yi. Yonu yětɔn ná nɔ wěxo. Winnyánú tɛ́ ɖíe ká ɖo Ejípunu lɛ́ɛ ná gbo wɛ e!

⁵ Nǔ énɛ́ e jɛ dó Ejípu e wú mɛ lɛ́ɛ nɔ́ ɖeji dó ɔ́, bó lɛ́ jɛ dó Etiopíi e wú mɛ lɛ́ɛ nɔ́ ɖo afɔ tɛ ayǐ wɛ ɔ́, dó awakanmɛ kú nú yě, bɔ yě flú.”

⁶ Gbe énɛ́ gbe ɔ́, mɛ e ɖo gbě e jí mǐ ɖe lɛ́ɛ sú xó bó ɖɔ: “Nǔ e gbo mɛ e ɖó nukún wɛ mǐ ɖe lɛ́ɛ é nɛ́! Mǐ tunwun ɖɔ mǐ nǎ hɔn yi su yě, bɔ yě ná hwlɛ́n mǐ bó yí mǐ sín axɔ́sú Asilíi tɔn sí... Din ɔ́, mɛ̌ mǐ ká ná mɔ bɔ é ná hwlɛ́n mǐ gán?”