Ɖɛhan 82 - MAWUXÓWÉMA

¹ Asáfu sín han. Mawu ɖǒ nǔmɛsɛn lɛ́ɛ sín kplé, Mawu ɖo te ɖo yě tɛ́ntin bó ɖo hwɛ ɖɔ wɛ:

² “Káká jɛ hwetɛ́nu wɛ mi ná nɔ́ dó hwɛ agɔ yi jɛ? Mi ná nɔ́ ɖo hwɛ yí dó ta nú mɛdídá lɛ́ɛ wɛ káká yi jɛ hwetɛ́nu? Agbɔ̌n

³ Mɛmaɖómɛɖé hwɛ jɔ hǔn, mi ɖɔ hwɛ tɔn jɔ; tɔ́cyɔvǐ hwɛ jɔ hǔn, mi ɖɔ hwɛ tɔn jɔ. Mi ɖɔ hwɛjijɔ nú gbɛ̌dónánɔ kpó wamamɔnɔ kpó.

⁴ Mi ná ayi jɛ ayǐ mɛmaɖómɛɖé kpó lelenɔ kpó, mi yí yě sín mɛdídá lɛ́ɛ fɛn mɛ.”

⁵ Nǔmɛsɛn lɛ́ɛ tunwun nǔɖé ǎ, yě ɖó nǔnywɛ́ ǎ, zǐnflú mɛ gbɔn wɛ yě ɖe; énɛ́ wú wɛ gbɛ ɔ́ ɖo na gba wɛ.

⁶ Un ko ɖɔ ɖ'ayǐ ɖɔ mawu wɛ mi mɛ ɖokpó ɖokpó nyí, mi bǐ wɛ nyí Mawu Ajalɔ̌nlɔn sín vǐ.

⁷ Un ɖɔ mɔ̌ có mi ná kú gbɛtɔ́ bǐ ɖɔhun, mi ná j'ayǐ gǎn bǐ ɖɔhun.

⁸ Mawu ce, sí te, ɖɔ hwɛ xá gbɛ ɔ́ bǐ, ɖó akɔta lɛ́ɛ bǐ wɛ nyí towe.