Ɖɛhan 149 - MAWUXÓWÉMA

¹ Mi kpa Mawu Mavɔmavɔ! Mi ji han yɔ̌yɔ́ ɖokpó nú Mawu Mavɔmavɔ. Mi kpa susu nú Mawu Mavɔmavɔ ɖo gbejínɔtɔ́ lɛ́ɛ sín agun ɔ́ mɛ.

² Izlayɛ́li, j'awǎ ɖó mɛ e ɖó we é wú. Sinyɔ́ɔ ví lɛ́ɛ mi, Xomɛ ní hun mi ɖó axɔ́sú mitɔn wú.

³ Yě ní ɖú we dó zé nyǐkɔ tɔn su. Yě ní xo hǔnví bó xo agǐdigbo dó ná susu nyǐkɔ tɔn.

⁴ Đó nǔ nɔ́ víví nú Mawu Mavɔmavɔ ɖo togun tɔn mɛ. É nɔ́ ná ɖuɖéjí mɛ e è sɔ́ xo kɔ́ lɛ́ɛ bó nɔ́ dó sɔ́ yě su.

⁵ Mɛ e nɔ sɛn Mawu lɛ́ɛ ní ɖu xwe bó kpa susu n'i; yě ná bó ɖo adɔ̌zan yětɔn jí hǔn, yě ní sú xó kpó awǎjijɛ kpó.

⁶ Yě ní sɔ́ nu yětɔn dó ɖo Mawu mlá wɛ, bónú dɛnkpe ɖíɖá nuwenɔ ka ɖo alɔ yětɔn mɛ,

⁷ bo ná ba hlɔn ɖo akɔta lɛ́ɛ mɛ, bó ná dɔn tó nú togun lɛ́ɛ.

⁸ Yě ná dó wlɔ axɔ́sú yětɔn lɛ́ɛ, bó ná sɔ́ hwǐ dó hu gǎn hɔn-yitɔ́ yětɔn lɛ́ɛ.

⁹ Yě ná wa nǔ yětɔn lě e Mawu kó ɖó hwɛ nú yě gbɔn bɔ è wlǎn é. Susu wɛ é nyí nú mɛ e nɔ sɛn Mawu lɛ́ɛ bǐ. Mi kpa Mawu Mavɔmavɔ!