Ɖɛhan 148 - MAWUXÓWÉMA

¹ Mi kpa Mawu Mavɔmavɔ! Mi kpa susu nú Mawu Mavɔmavɔ sín jǐxwé! Mi kpa susu n'i ɖo jǐnukúnsin!

² Mi wɛnsagun tɔn lɛ́ɛ mi, mi bǐ mi kpa susu n'i! Mi ahwangɔnu tɔn lɛ́ɛ mi, mi bǐ mi kpa susu n'i!

³ Sun kpó hwe kpó e mi, mi bǐ mi kpa susu n'i! Mi sunví e nɔ kɛn lɛ́ɛ mi, mi bǐ mi kpa susu n'i!

⁴ Jǐnukúnsin, hwi mɛ e ɖo aga dɔ̌n é, kpa susu n'i! Sin e ɖo jǐnukúnsin aga dɔ̌n é, hwi lɔmɔ̌ ní mlá Mawu Mavɔmavɔ,

⁵ Yě ní kpa susu n'i, ɖó xó kpowun wɛ é ɖɔ bɔ yě bǐ tíin.

⁶ É ɖó yě, bɔ yě tíin tɛgbɛ káká sɔ́yi. É dó sɛ́n, é ká ná gba sɛ́n lɛ́ɛ gbeɖé kpɔ́n ǎ.

⁷ Nǔ e kó sixú ɖo ayǐkúngban jí lɛ́ɛ mi, mi bǐ mi kpa susu nú Mawu Mavɔmavɔ! Kanlin ɖaxó ɖaxó e ɖo xu mɛ lɛ́ɛ mi, domaɖó-azan lɛ́ɛ mi, laglási jí e nɔ gba fo ɖɔhun é, ahǔn, xu jɔhɔn, mi mɛ e nɔ se gbe n'i lɛ́ɛ, mi kpa susu n'i!

⁸ Myɔ, kɛ́njí, laglási jí e nɔ́ gba fo ɖɔhun é, ahǔn, xu jɔhɔn, mi mɛ e nɔ se gbe n'i lɛ́ɛ mi, mi kpa susu n'i!

⁹ Só ɖaxó ɖaxó lɛ́ɛ, kpɛví kpɛví lɛ́ɛ, atínsínsɛ́n lɛ́ɛ, mi sɛ́dlutín lɛ́ɛ, mi bǐ mi kpa susu n'i,

¹⁰ mi gběkanlin lɛ́ɛ, kanlin e ɖo xwé gbe lɛ́ɛ, kanlin e nɔ sá gbɔn kɔ́ mɛ lɛ́ɛ, kpó ée nɔ́ zɔn gbɔn jǐ lɛ́ɛ kpó, mi kpa susu n'i!

¹¹ Mi axɔ́sú e ɖo ayǐkúngban jí lɛ́ɛ mi, akɔta akɔta lɛ́ɛ mi, mi gǎn gǎn lɛ́ɛ mi, mi hwɛɖɔtɔ́ ayǐkúngban jí tɔn lɛ́ɛ mi,

¹² dɔ̌nkpɛvú kpó ɖyɔ̌vǐ kpó, degénɔ kpó yɔkpɔ́vú kpó, mi bǐ mi kpa susu n'i!

¹³ Mi bǐ mi kpa susu nú nyǐkɔ Mawu Mavɔmavɔ tɔn, ɖó nyǐkɔ tɔn wɛ ɖo aga nú nyǐkɔ bǐ, susu tɔn gba kpé ayǐkúngban jí, bó gba kpé sɛ́xwé.

¹⁴ É dó hlɔ̌nhlɔ́n togun tɔn jí, Énɛ́ ɔ́ wú wɛ mɛ e ɖo gbejí n'i lɛ́ɛ nɔ́ ji han mlá ɛ; togun tɔn Izlayɛ́li nɔ ji han mlá ɛ. Mi kpa susu nú Mawu Mavɔmavɔ!