Ɖɛhan 136 - MAWUXÓWÉMA

¹ Mi kpa susu nú Mawu Mavɔmavɔ, ɖó é nyɔ́, ɖó xomɛnyínyɔ́ tɔn ɖo te káká sɔ́yi.

² Mi kpa susu nú Mawu Nǔbǐwúkpétɔ́, ɖó xomɛnyínyɔ́ tɔn ɖo te káká sɔ́yi.

³ Mi kpa susu nú Aklúnɔ aklúnɔ lɛ́ɛ tɔn, ɖó xomɛnyínyɔ́ tɔn ɖo te káká sɔ́yi.

⁴ É ɖokpónɔ wɛ nɔ́ bló nǔjíwǔ ɖaxó ɖaxó lɛ́ɛ, ɖó xomɛnyínyɔ́ tɔn ɖo te káká sɔ́yi.

⁵ É wɛ sɔ́ nǔnywɛ́ tɔn dó bló jǐxwé, ɖó xomɛnyínyɔ́ tɔn ɖo te káká sɔ́yi.

⁶ É wɛ vlɔ́n ayǐkúngban ɔ́ sɔ́ nyi sin nukún mɛ; ɖó xomɛnyínyɔ́ tɔn ɖo te káká sɔ́yi.

⁷ É wɛ bló nǔ e nɔ ná wěziza ɖo jǐnukúnsin lɛ́ɛ, ɖó xomɛnyínyɔ́ tɔn ɖo te káká sɔ́yi.

⁸ É bló hwe bɔ é nɔ́ kpa acɛ kéze, ɖó xomɛnyínyɔ́ tɔn ɖe káká sɔ́yi;

⁹ bó ɖó sun bɔ éyɛ́ nɔ́ ɖu gǎn zǎn mɛ; ɖó xomɛnyínyɔ́ tɔn ɖe káká sɔ́yi.

¹⁰ É wɛ hu Ejípunu lɛ́ɛ sín nukɔngbéví lɛ́ɛ; ɖó xomɛnyínyɔ́ tɔn ɖe káká sɔ́yi.

¹¹ É wɛ ɖe togun tɔn Izlayɛ́li tɔ́n sín yě tɛ́ntin; ɖó xomɛnyínyɔ́ tɔn ɖe káká sɔ́yi.

¹² É wɛ ɖe yě tɔ́n kpó hlɔ̌nhlɔ́n ɖaxó ɖé kpó; ɖó xomɛnyínyɔ́ tɔn ɖo te káká sɔ́yi.

¹³ É wɛ má Xu Vɔvɔ ɔ́ ɖó we; ɖó xomɛnyínyɔ́ tɔn ɖo te káká sɔ́yi;

¹⁴ bó ɖe togun tɔn Izlayɛ́li tɔ́n sín mɛ; ɖó xomɛnyínyɔ́ tɔn ɖo te káká sɔ́yi mavɔ.

¹⁵ É ka dɔn Ejípu xɔ́sú ɔ́ kpó ahwangɔnu tɔn kpó dó é mɛ; ɖó xomɛnyínyɔ́ tɔn ɖo te káká sɔ́yi.

¹⁶ É wɛ kplá togun tɔn yi gbětótló mɛ; ɖó xomɛnyínyɔ́ tɔn ɖo te káká sɔ́yi.

¹⁷ É wɛ hu axɔ́sú ɖaxó ɖaxó lɛ́ɛ; ɖó xomɛnyínyɔ́ tɔn ɖo te káká sɔ́yi.

¹⁸ É wɛ hu axɔ́sú syɛ́nsyɛ́n lɛ́ɛ; ɖó xomɛnyínyɔ́ tɔn ɖo te káká sɔ́yi.

¹⁹ É hu Sihɔ́ni, axɔ́sú Amɔliti lɛ́ɛ tɔn ɔ́, ɖó xomɛnyínyɔ́ tɔn ɖo te káká sɔ́yi;

²⁰ bó hu Ɔgu Basáni xɔ́sú ɔ́, ɖó xomɛnyínyɔ́ tɔn ɖo te káká sɔ́yi;

²¹ bó sɔ́ to yětɔn jó bɔ è ɖu gǔ tɔn; ɖó xomɛnyínyɔ́ tɔn ɖo te káká sɔ́yi.

²² É ná to yětɔn mɛsɛntɔ́ tɔn Izlayɛ́li bɔ é ɖu gǔ tɔn; ɖó xomɛnyínyɔ́ tɔn ɖo te káká sɔ́yi.

²³ É wɛ flín mǐ hwenu e adǎn ɖo mǐ gbo wɛ é; ɖó xomɛnyínyɔ́ tɔn ɖo te káká sɔ́yi.

²⁴ É hwlɛ́n mì gán ɖo mɛ e ɖo tagba dó nú mǐ wɛ lɛ́ɛ sí, ɖó xomɛnyínyɔ́ tɔn ɖo te káká sɔ́yi.

²⁵ É wɛ nɔ́ ná nǔɖuɖu mɛ bǐ; ɖó xomɛnyínyɔ́ tɔn ɖo te káká sɔ́yi.

²⁶ Mi kpa susu nú Mawu e ɖo jǐxwé é; ɖó xomɛnyínyɔ́ tɔn ɖo te káká sɔ́yi.