Ɖɛhan 133 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́, Davídi sín han wɛ. Nɔví nɔví lɛ́ɛ ɖó gbe kpɔ́ ɔ́, é nɔ́ nyɔ́, é nɔ́ víví mɛ nya!

² É cí ami wǎnɖagbenɔ ɖɔhun, ami wǎnɖagbenɔ e è kɔn dó ta nú Aalɔ́ɔn é ɖɔhun, é sa gbɔn atán tɔn mɛ, é sa káká wá awu tɔn kɔ.

³ É cí ahǔn e ja dó Ɛmɔ́ɔ só jí é ɖɔhun, ahǔn e ja dó Ɛmɔ́ɔ só jí, bó sa káká yi Sinyɔ́ɔ só lɛ́ɛ jí é ɖɔhun, ɖó fínɛ́ wɛ Mawu Mavɔmavɔ nɔ ná nyɔ̌ná tɔn mɛ ɖe, é nɔ́ ná gbɛ mɛ káká sɔ́yi káká sá.