Ɖɛhan 13 - MAWUXÓWÉMA

Mawu Mavɔmavɔ, káká hwetɛ́nu a nǎ wɔn mì yi jɛ?

¹ Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ.

² Mawu Mavɔmavɔ, káká hwetɛ́nu a nǎ wɔn mì yi jɛ? Káká hwetɛ́nu a nǎ sɔ́ hwiɖée hwlá dó mì yi jɛ?

³ Káká hwetɛ́nu un ná ɖo nǔ lin kpɔ́n wɛ, bɔ aɖi ná nɔ́ ɖo ɖǐɖó mì wɛ ayǐhɔ́ngbe ayǐhɔ́ngbe yi jɛ? Káká hwetɛ́nu kɛntɔ́ ná ɖu ɖo jǐ ce yi jɛ?

⁴ Mawu Mavɔmavɔ, Mawu ce, kpɔ́n! Yǐ gbe nú mì! Nǎ hlɔ̌nhlɔ́n mì, bónú un ma dɔ́ amlɔ dɔ̌mányí ó.

⁵ É má nyí mɔ̌ ǎ ɔ́, kɛntɔ́ ná ɖɔ: “Éénɛ́! Un kpé wǔ tɔn nɛ́!” Un jɛ ayǐ ɖo kɛn nukɔn ɔ́, kɛntɔ́ ná ɖú ahwannɔwe.

⁶ Nyɛ ka gán jɛ xomɛnyínyɔ́ towe wú. Xomɛ ɖo hunhun mì wɛ ɖó hwlɛ̌n e a hwlɛ̌n mì gán é wú. Un ná ji han dó kpa susu nú Mawu Mavɔmavɔ, ɖó é wa ɖagbe nú mì.