Ɖɛhan 129 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Sín dɔ̌nkpɛ mɛ ce ɖokpóó wɛ kɛntɔ́ kó ɖo ahwan tɔ́n mì wɛ...

² Izlayɛ́li togun ɔ́ ní ɖɔ mɔ̌. Sín dɔ̌nkpɛ mɛ ce ɖokpóó wɛ kɛntɔ́ kó ɖo ahwan tɔ́n mì wɛ, amɔ̌, yě ká ɖu ɖo jǐ ce ǎ.

³ Yě ɖó bǎ nú mì káká bɔ nɛgbé ce lí; yě lɛ hwɛn gbɔn nɛgbé ce.

⁴ Lo ɔ́, Mawu Mavɔmavɔ ɔ́, hwɛjijɔnɔ wɛ; é sɛ́n kan e mɛdídá lɛ́ɛ dó blá mì lɛ́ɛ.

⁵ Mɛ e gbɛ́ wǎn nú Sinyɔ́ɔ lɛ́ɛ bǐ ní ɖu winnyá, bó jó agɔ.

⁶ Yě ní cí nǔkún e wú ɖo xɔ ta ɔ́ ɖɔhun, é nɔ́ lín cóbó nɔ́ fyɔ́ ǎ.

⁷ Nǔkún-yatɔ́ nɔ mɔ hɛn alɔ mɛ ǎ, é ká kpé lɔ bónú è nǎ blá kɔ tɔn ǎ.

⁸ Aligbɔntɔ́ nɔ́ ɖɔ nú yě ɖɔ Mawu Mavɔmavɔ ní dó acɛ yě jí ǎ. Mǐ xo ɖɛ dó mi jí ɖo Mawu Mavɔmavɔ nyǐkɔ mɛ.