Ɖɛhan 128 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Nǔ nyɔ́ nú mɛ e nɔ ɖó sísí nú Mawu Mavɔmavɔ lɛ́ɛ, mɛ e nɔ mlɛ́ ali e Mawu Mavɔmavɔ ɖe lɛ́ɛ.

² Azɔ̌ e a wa kpó alɔ towe kpó ɔ́, a nǎ mɔ bó ɖu. Nǔ ná nyɔ́ nú we, nǔ bǐ ná zɔn nú we.

³ Asi towe ná cí vǐwuntín e sɛ́n ganjí é ɖɔhun, ɖo xwé towe gbe; vǐ towe lɛ́ɛ ná cí olívutín ɖɔhun lɛ́ lɛ̌ dó távo towe.

⁴ Mɛ e ɖó sísí nú Mawu Mavɔmavɔ ɔ́, lě e é nɔ́ xo ɖɛ dó jǐ tɔn gbɔn ɔ́ nɛ́.

⁵ Mawu Mavɔmavɔ ná xo ɖɛ dó jǐ we sín Sinyɔ́ɔ só ɔ́ jí. Énɛ́ ɔ́, a nǎ mɔ̌ lě e nǔ nyɔ́ nú Jeluzalɛ́mu gbɔn ɔ́ káká jɛ kúzán towe gbe.

⁶ A nǎ lɛ́ mɔ vǐ towe ví lɛ́ɛ. Mawu ní ná fífá Izlayɛ́li!