Ɖɛhan 127 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Salomɔ́ɔ sín han wɛ. Mawu Mavɔmavɔ má mɛ xɔ ɖé ǎ ɔ́, tagba yǎyá wɛ xɔmɛtɔ́ lɛ́ɛ nɔ́ jɛ. Mawu Mavɔmavɔ ma nya xɛ ɖo toxo ɖé jí ǎ ɔ́, tagba yǎyá wɛ mɛ e ɖo toxo ɔ́ cɔ́ wɛ lɛ́ɛ ɔ́ nɔ́ jɛ.

² Nǔ yǎyá wa wɛ mi nɔ ɖe, bó nɔ́ fɔ́n zǎn, bó nɔ́ wá mlɔ́ ayǐ zǎn xóxó mɛ; mi nɔ ɖo tagba jɛ wɛ, bó nɔ́ ɖo nǔ e mi ná ɖu é ba wɛ. Lo ɔ́, mɛ e vɛ́ nú Mawu Mavɔmavɔ lɛ́ɛ ɔ́, amlɔ dɔ́ wɛ yědɛɛ nɔ́ ɖe bɔ é nɔ́ ná nǔɖuɖu yě.

³ Vǐ ɔ́ dɔkun wɛ é nyí bɔ Mawu Mavɔmavɔ dó nú mɛ, vǐ wɛ nyí ajɔ bɔ é nɔ́ ná mɛ.

⁴ Vǐ súnnu e è ji ɖo wǐnnyáwínnyá mɛ lɛ́ɛ ɔ́ cí gǎ e ahwanfuntɔ́ ɖé hɛn alɔ mɛ ɔ́ ɖɔhun.

⁵ Nǔ nyɔ́ nú mɛ e ɖó gǎ mɔ̌hun káká bɔ gǎhɛnnú tɔn gɔ́ é; kɛntɔ́ yětɔn lɛ́ɛ kpó yě kpó kplé ɖo hwɛgun ɔ́, winnyá nɔ́ hu yě ǎ.