Ɖɛhan 126 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Hwenu e Mawu Mavɔmavɔ lɛ́ sɔ́ Sinyɔ́ɔ ɖó tɛn e mɛ é ɖe ɖ'ayǐ é mɛ ɔ́, é cí dlɔ̌ ɖɔhun nú mǐ.

² Énɛ́ ɔ́, mǐ nɔ́ ɖo nǔ ko wɛ, mǐ nɔ́ ɖo xó sú wɛ kpó awǎjijɛ kpó, bɔ akɔta ɖě lɛ́ɛ nɔ́ ɖɔ: “Mawu Mavɔmavɔ bló nǔ ɖaxó nú yě.”

³ Nǔgbó wɛ, Mawu Mavɔmavɔ bló nǔ ɖaxó nú mǐ, bɔ mǐ ɖo awǎ jɛ wɛ.

⁴ Mawu Mavɔmavɔ, lɛ̌ sɔ́ mǐ ɖó tɛn e mɛ mǐ ɖe ɖ'ayǐ é mɛ, lě e a nɔ bló gbɔn bɔ tɔ nɔ sa ɖo gbětótló mɛ é.

⁵ Mɛ e dó nǔkún kpó avǐ kpó ɔ́, awǎjijɛ mɛ wɛ é nɔ́ ya ɖe.

⁶ Mɛ e ɖidó nǔkún dó gbé kpó avǐ kpó ɔ́, nú é yi ya nǔkún bó lɛ́ kɔ ja xwé ɔ́, é nɔ́ víví n'i.