Ɖɛhan 124 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Davídi sín han wɛ. Ényí Mawu Mavɔmavɔ ma ka ko ɖo mǐ jí ǎ ɔ́... Izlayɛ́li togun ɔ́ ní ɖɔ mɔ̌.

² Ényí Mawu Mavɔmavɔ ma ka ko ɖo mǐ jí ǎ ɔ́, hwenu e gbɛtɔ́ lɛ́ɛ sí te dó mǐ jí ɔ́,

³ hwenu e yě ɖo adǎn jí ɔ́, yě ná ko ɖi mǐ gbɛɖe gbɛɖe.

⁴ Sin e ɖo hwǐn mlí wɛ é ná kó sɔ́ mǐ, tɔ ná kó bú mǐ,

⁵ sin e ɖo adǎn jí ɔ́ ná kó sa gbɔn mǐ jí.

⁶ Susu nú Mawu Mavɔmavɔ, ɖó é lɔn nú aɖǔ yětɔn tɛ lan mǐtɔn jí ǎ.

⁷ Mǐ gló yě, xɛ jɛ te sín xɛgbényatɔ́ mɔ mɛ ɖɔhun; mɔkan ɔ́ wɛ́n, bɔ mǐ jɛ te.

⁸ Alɔdó ɔ́, Mawu Mavɔmavɔ ɖésú gɔ́n wɛ é nɔ́ gosín wá nú mǐ, Mawu Mavɔmavɔ e ɖó jǐxwé kpó ayǐkúngban kpó ɔ́.