Ɖɛhan 123 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Un jlɔ́ kɔ bó kpɔ́n we sɛ́ dó, un kpɔ́n hwi mɛ e axɔ́súzinkpo towe ɖo sɛ́xwé ɔ́ sɛ́ dó.

² Kpɔ́n lě e mɛsɛntɔ́ nɔ́ ɖo gǎn tɔn lɔ nu kpɔ́n wɛ gbɔn é! Lě e mɛsɛntɔ́ nyɔ̌nu nɔ́ ɖo gǎn tɔn nyɔ̌nu lɔ nu kpɔ́n wɛ gbɔn é! Mɔ̌ wɛ mǐ ɖo Mawu Mavɔmavɔ, Mawu mǐtɔn kpɔ́n sɛ́ dó wɛ gbɔn, káká jɛ hwenu e é ná nyɔ́ xomɛ dó mǐ wú é.

³ Kú nǔbláwǔ nú mǐ, Mawu Mavɔmavɔ, kú nǔbláwǔ nú mǐ, ɖó è sɔ́ mǐ xo kɔ́ dín.

⁴ Fí e goyítɔ́ lɛ́ɛ ɖɔ slǎmɛ mǐ wú jɛ é kpé, fí e afɔtɛayǐtɔ́ lɛ́ɛ hu tɛ́ nú mǐ yi jɛ é kpé.