Ɖɛhan 120 - MAWUXÓWÉMA

¹ È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Hwenu e adǎn gbo mì é ɔ́, Mawu Mavɔmavɔ wɛ un sú xó ylɔ́ bɔ é sɔ nú mì.

² “Mawu Mavɔmavɔ, xɔ mì ɖo adingbannɔ lɛ́ɛ sí, hwlɛ̌n mì ɖo mɛblɛ́tɔ́ lɛ́ɛ sí.”

³ Mi mɛblɛ́tɔ́ lɛ́ɛ ɔ́, étɛ́ Mawu ka ná wa xá mi? Nɛ̌ é ká ná dɔn tó nú mi gbɔn?

⁴ Ahwangá nu xwíɖíxwíɖí kpó myɔkán kpó wɛ é ná da dó mi.

⁵ Un ɖo toɖévomɛnu lɛ́ɛ tɛ́ntin, kanlin gbɛtɔ́ lɛ́ɛ tɛ́ntin, gbɛ ce blá wǔ mɛ nya!

⁶ Un ɖo mɛ e ma nɔ ba fífá ɖěbǔ ǎ lɛ́ɛ tɛ́ntin, un ɖo yě mɛ din ɔ́, é kó lín.

⁷ Un kɛ nu bó ɖɔ fífá xó lě ɔ́, ahwan te jɛ́n yě nɔ́ sí.