Ɖɛhan 11 - MAWUXÓWÉMA

Mawu wɛ nyí bibɛtɛn ce

¹ Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Mawu Mavɔmavɔ gɔ́n wɛ un nɔ hɔn hwlá cí, bɔ mi ka nɔ ɖɔ nú mì ɖɔ: “Zɔn xɛ ɖɔhun yi sókan mɛ,

² ɖó mɛdídá lɛ́ɛ tlɔ́ gǎ, yě bló gǎ ɔ́ ɖó kan jí ganjí, bó ná nɔ ablu mɛ bó da dó gbɛtɔ́ ayijlɔ́jlɔ́nɔ lɛ́ɛ.

³ Ée gbɛ ɔ́ gba ɔ́, nɛ̌ hwɛjijɔnɔ lɛ́ɛ ká sixú wa nǔ gbɔn?”

⁴ Mawu Mavɔmavɔ ɖo nɔtɛn tɔn mímɛ́ ɔ́, axɔ́súzinkpo tɔn ɖo jǐxwé dɔ̌n. Nukún tɔn ká ɖo gbɛtɔ́ lɛ́ɛ bǐ jí; é mɔ do nú nǔ e wa wɛ yě ɖe lɛ́ɛ bǐ.

⁵ Mawu Mavɔmavɔ nɔ zé mɛ ɖagbe kpɔ́n, bó nɔ́ zé mɛ nyanya kpɔ́n; é gbɛ́ wǎn nú mɛ e yí wǎn nú alǎnnúwiwa é.

⁶ Mawu ní sɛ́ myɔkán kpó hwemí kpó dó, ní ja dó mɛdídá lɛ́ɛ jí jǐ ɖɔhun. É ní sɛ́ jɔhɔn e nɔ hɛn nǔ fyɔ́ ɔ́ dó yě. Nǔ e ná gbo yě ɔ́ nɛ́.

⁷ Đó Mawu Mavɔmavɔ ɔ́, hwɛjijɔnɔ wɛ, é yí wǎn nú hwɛjijɔ; nǔjlɔ́jlɔ́watɔ́ lɛ́ɛ wɛ ná mɔ nukún tɔn mɛ.