Ɖɛhan 108 - MAWUXÓWÉMA

Mawu, dó alɔ mì ɖo kɛntɔ́ ce lɛ́ɛ nukɔn

¹ Davídi sín han.

² Ayi ce jɛ ayǐ, Mawu ce, ayi ce wá jɛ ayǐ lo! Din ɔ́, un ná ji han nú we kpó ayi ce bǐ kpó; un ná ɖɔ xó lómílómí dó han mɛ.

³ Kanhún ce ní fɔ́n, agǐdigbo ce ní fɔ́n, ɖó hangbe ce wɛ ná fɔ́n ayǐtéhɔ̌nnu nyi te.

⁴ Mawu Mavɔmavɔ, un ná kpa susu nú we ɖo togun lɛ́ɛ mɛ; un ná ji han dó mlá we ɖo akɔta lɛ́ɛ tɛ́ntin,

⁵ ɖó xomɛnyínyɔ́ towe ɖo aga nú jǐnukúnsin, gbejíninɔ towe hun káká yi akpɔ́kpɔ́ lɛ́ɛ mɛ.

⁶ Mawu, ɖe susu towe xlɛ́ zɛ jǐxwé wú; ɖe susu towe xlɛ́ gbɔn ayǐkúngban ɔ́ bǐ jí!

⁷ Sɔ́ ɖisí lɔ towe dó hwlɛ́n wǎnyínámɔ towe lɛ́ɛ gán; yǐ gbe nú ɖɛ ce.

⁸ Mawu ɖɔ ɖo xwé tɔn gbe ɖɔ: “Đuɖéjí ɔ́ ce wɛ. Un ná má Sikɛ́mu toxo ɔ́. Sukɔ́tu tɔdo ɔ́, un ná má mɛtɔn mɛtɔn.

⁹ Galadi to ɔ́, ce wɛ, Manasée to ɔ́, ce wɛ. Eflayímu to ɔ́, ahwanfungbákún ce wɛ, Judáa to ɔ́, makpo ce wɛ.

¹⁰ Mɔwabu to ɔ́, wǔlɛgbán ce wɛ. Edɔ́mu to ɔ́, un ko ɖó afɔ jí bó ná yí. Un sú xó bó tɔ́n ahwan Filisitɛ́ɛn lɛ́ɛ.”

¹¹ Mɛ̌ ká ná kplá mì yi Edɔ́mu to ɔ́ mɛ din? Éɖíe è mɛ ahohó lɛ́ lɛ̌ dó toxo tɔn bǐ e! Mɛ̌ ká ná jó nú mì?

¹² Mɛ̌ ká sɔ́ sixú nyí zɛ hwi Mawu ɔ́ wú? Hwi ɖíe ká kó gbɛ́ mǐ, bó má sɔ́ nɔ́ kplá mǐ yi ahwangbénu ɖě ǎ e!

¹³ Gɔ̌ alɔ nú mǐ nú mǐ nǎ ɖu ɖo kɛntɔ́ jí. Gbɛtɔ́ wú gán jɛ ɔ́, nǔ yǎyá wɛ.

¹⁴ Mawu ɖo kpɔ́ xá mǐ ɔ́, mǐ ná wa adǎn. É wɛ ná zin kɛntɔ́ mǐtɔn lɛ́ɛ dɛ́.