Ɖɛhan 100 - MAWUXÓWÉMA

¹ Kú dó nú Mawu Mavɔmavɔ sín han. Gbɛtɔ́ e ɖo gbɛ ɔ́ mɛ lɛ́ɛ e mi, mi kpa awǒbóbó nú Mawu Mavɔmavɔ.

² Mi sɛn Mawu Mavɔmavɔ kpó xomɛhunhun kpó. Mi wá gɔ̌n tɔn kpó awǎjijɛ kpó.

³ Mi ní tunwun ɖɔ Mawu Mavɔmavɔ, Mawu ɖokpónɔ wɛ è ɖǒ ná sɛn, é wɛ bló mǐ, bɔ mǐ nyí étɔn; togun tɔn wɛ mǐ nyǐ, é wɛ nyí lɛ̌ngbɔ́nyitɔ́ mǐtɔn.

⁴ Mi byɔ́ xwé tɔn gbe kpó kúdónúmɛ sín han kpó. Mi yi kɔ́xo tɔn lɛ́ɛ ta kpó han kpó. Mi sɔ́ ɛ su, mi kpa susu nú nyǐkɔ tɔn.

⁵ Ɖó Mawu Mavɔmavɔ nyɔ́, xomɛnyínyɔ́ tɔn nɔ vɔ gbeɖé ǎ, gbejíninɔ tɔn ɖo te káká sɔ́yi.