Ɖɛhan 1 - MAWUXÓWÉMA

WĚMA NUKƆNTƆN ( 1—41 ) Nyɔ̌ná nǔgbó nǔgbó ɔ́

¹ Nǔ nyɔ́ nú gbɛtɔ́ e ma nɔ xwedó nǔkplɔ́nmɛ mɛdídá lɛ́ɛ tɔn ǎ, bó ma nɔ́ dó hwɛhutɔ́ lɛ́ɛ gbɛ́ ǎ, bó ma nɔ jínjɔ́n ayǐ xá mɛ e nɔ ɖɔ slǎmɛ Mawu wú lɛ́ɛ ǎ é.

² Lo ɔ́, nǔ e é nɔ́ yí wǎn ná ɔ́ wɛ nyí kplɔ́n Mawu Mavɔmavɔ tɔn, bó nɔ́ ɖo tamɛ lin d'é wú wɛ zǎn kéze.

³ Mɛ mɔ̌hunkɔtɔn cí atín e è tun nyi tɔ tó ɔ́ ɖɔhun: hwe tɔn nu su ɔ́, é nɔ́ sɛ́n, ama tɔn lɛ́ɛ nɔ́ ɖo zǐnzɔ́n jí tɛgbɛ. Nǔ e é nɔ́ wa ɔ́ bǐ nɔ́ nyɔ́ n'i.

⁴ Amɔ̌, mɛdídá lɛ́ɛ ɔ́, yě tɔn ka nɔ́ nyí gbɔn mɔ̌ ǎ. Yědɛɛ lɛ́ɛ cí wɔn e mɛ jɔhɔn dó alɔ, bó ɖo fúnfún fúnfún kpé wɛ ɔ́ ɖɔhun.

⁵ Énɛ́ ɔ́ wú ɔ́, hwɛɖɔzán gbe su ɔ́, hwɛ ná kpa mɛdídá lɛ́ɛ ǎ; nǔjlɔ́jlɔ́watɔ́ lɛ́ɛ kplé ɔ́, hwɛhutɔ́ lɛ́ɛ ná ɖó tɛnmɛ ɖo yě mɛ ǎ.

⁶ Đó Mawu Mavɔmavɔ nɔ kpé nukún dó nǔjlɔ́jlɔ́watɔ́ lɛ́ɛ sín ali wú, lo ɔ́, mɛdídá lɛ́ɛ ɔ́, ali e jí yě ɖe ɔ́ wɛ nɔ́ kplá yě yi kú.