1 Tan 7 - MAWUXÓWÉMA

¹ Isakáa ví lɛ́ɛ ɖíe: Tola, Púwa, Yacúvu kpódó Cimulɔ́ni kpó.

² Tola ví lɛ́ɛ ɖíe: Wúzi, Hlefaya, Yeliɛ́li, Yaximayi, Yivusámu kpódó Cemuyɛlu kpó. Yě mɛ énɛ́ lɛ́ɛ ɔ́, hɛ̌nnugán wɛ yě nyí ɖo Tola ví lɛ́ɛ mɛ. Gbɛtɔ́ nukúnɖéjí wɛ yě nyǐ ɖo hɛ̌nnu yětɔn lɛ́ɛ mɛ. Đo Davídi hwenu ɔ́, Tola ví lɛ́ɛ bló gbɛtɔ́ adɔ̌kpo ɖě afɔwó nǔwɔntɔn (22.600).

³ Wúzi ji Yizláxya. Yizláxya ka ji Mikaɛli, Ovadia, Yoɛ́li kpó Yiciya kpó. Yě mɛ atɔ́ɔ́n énɛ́ lɛ́ɛ bǐ wɛ nyí hɛ̌nnugán.

⁴ Nyɔ̌nu kpó súnnu kpó e ɖo hɛ̌nnu yětɔn mɛ lɛ́ɛ sukpɔ́ káká bɔ yě ɖó ná ná súnnu e ná fun ahwan lɛ́ɛ adɔ̌kpo ɖě děgba ɛnɛ (36.000).

⁵ Nɔví yětɔn e ɖo Isakáa sín hɛ̌nnu lɛ́ɛ bǐ mɛ, bó nyí súnnu glegbenu, bɔ è sɔ́ kɛ́n yětɔn lɛ́ɛ bǐ bló gbɛtɔ́ adɔ̌kpo ɛnɛ děgba ɖě afɔwó-afatɔ́n (87.000).

Bɛnjamɛ́ɛ kpó Nɛfutali kpó sín vǐ lɛ́ɛ

⁶ Bɛnjamɛ́ɛ ví lɛ́ɛ ɖíe: Bɛ́la, Bɛkɛ́ɛ kpó Yediaɛ́lu kpó. É bló yě mɛ atɔn.

⁷ Bɛ́la ví lɛ́ɛ ɖíe: Ɛsibɔ́ni, Wúzi, Wuziyɛ́li, Yelimɔ́ti kpódó Ili kpó. Súnnu glegbenu wɛ yě nyǐ, bó nyí hɛ̌nnugán ɖo hɛ̌nnu yětɔn lɛ́ɛ ɖokpó ɖokpó mɛ. Hɛ̌nnu énɛ́ lɛ́ɛ ɔ́, è sɔ́ kɛ́n yětɔn, bɔ bǐ bló gbɛtɔ́ adɔ̌kpo ɖě afɔwó gban-nukún-ɛnɛ (22.034).

⁸ Bɛkɛ́ɛ ví lɛ́ɛ ɖíe: Zemila, Yoaci, Eliezɛ́ɛ, Eliyoenayi, Ɔmúli, Yelemɔ́ti, Avíya, Anatɔ́ti kpódó Alɛmɛ́ti kpó. Yě mɛ énɛ́ lɛ́ɛ bǐ wɛ nyí Bɛkɛ́ɛ ví.

⁹ Súnnu glegbenu wɛ yě nyǐ, bó nyí hɛ̌nnugán ɖo hɛ̌nnu yětɔn lɛ́ɛ ɖokpó ɖokpó mɛ. Hɛ̌nnu énɛ́ lɛ́ɛ ɔ́, è sɔ́ kɛ́n yětɔn, bɔ bǐ bló gbɛtɔ́ adɔ̌kpo ɖě afɔɖé (20.200).

¹⁰ Yediaɛ́lu ji Biluháni. Biluháni ka ji Yewúci, Bɛnjamɛ́ɛ, Ehúdi, Kenáana, Zetáni, Taasísi kpódó Axisahaa kpó.

¹¹ Yediaɛ́lu ví énɛ́ lɛ́ɛ bǐ wɛ nyí súnnu glegbenu bó nyí hɛ̌nnugán ɖo hɛ̌nnu yětɔn lɛ́ɛ ɖokpó ɖokpó mɛ. Hɛ̌nnu énɛ́ lɛ́ɛ ɔ́, è sɔ́ súnnu e hɛn ɔ́, yě ná fun ahwan lɛ́ɛ sín kɛ́n, bɔ yě bǐ bló gbɛtɔ́ děgba ɛnɛ afayizɛ́n (17.200).

¹² Ii ji Cupimu kpó Hupímu kpó. Axɛ́ɛ ka ji Hucímu.

¹³ Nɛfutali ví lɛ́ɛ ɖíe: Yasiyɛli, Gúni, Yesɛ́ɛ kpódó Calúmu Biluha vívú ɔ́ kpó.

Manasée ví e ɖo Judɛ́ɛn tɔ ɔ́ gúdo lɛ́ɛ

¹⁴ Manasée ji Asiliɛ́li kpó Makíi kpó ɖo asi tɔn Silíinu ɔ́ xomɛ. Makíi ka ji Galadi.

¹⁵ Makíi da asi nú Hupímu, bó da nú Cupimu. Nɔví tɔn nyɔ̌nu ɔ́ nɔ́ nyí Maaka. Makíi lɛ́ ji vǐ ɖěvo, bɔ é nɔ́ nyí Selofɛxádi. Selofɛxádi ɔ́ ka ji nyɔ̌nu kɛ́ɖɛ́.

¹⁶ Maaka, Makíi sín asi ɔ́ ji vǐ súnnu ɖokpó, bó sun nyǐ ɖɔ Pelɛci, é lɛ́ ji vǐ súnnu ɖěvo, bó sun nyǐ ɖɔ Cɛlɛ́ci. Cɛlɛ́ci wɛ nyí Wulámu kpó Hlɛkɛ́mu kpó sín tɔ́.

¹⁷ Wulámu ka ji Bedáni. Galadi, Makíi ví Manasée ɔ́ sín vǐ lɛ́ɛ nɛ́.

¹⁸ Mɔlɛkɛ́ti, Galadi nɔví nyɔ̌nu ɔ́ ji Icehodi, Aviɛzɛ́ɛ kpó Maxla kpó.

¹⁹ Cemida ví lɛ́ɛ ɖíe: Axiyani, Cɛkɛ́mu, Liki kpódó Aniyámu kpó.

Eflayímu ví lɛ́ɛ

²⁰ Eflayímu ji Cutɛláxi, Cutɛláxi ji Bɛlɛ́di, Bɛlɛ́di ji Taxati, Taxati ji Eleada, Eleada ji Taxati,

²¹ Taxati ji Zavadu, bɔ Zavadu ji Cutɛláxi; Eflayímu lɛ́ ji Ezɛ́ɛ kpó Eleadi kpó. Vǐ tɔn we énɛ́ lɛ́ɛ xwe Gatinu lɛ́ɛ sín kanlin lɛ́ɛ bɛ́ gbé bɔ Gatinu lɛ́ɛ hu yě.

²² Tɔ́ yětɔn Eflayímu nɔ aluwɛmɛ xɔ azǎn, bɔ nɔví tɔn lɛ́ɛ wá dó gbɔ n'i.

²³ Énɛ́ ɔ́ gúdo ɔ́, Eflayímu sɛkpɔ́ asi tɔn, bɔ é mɔ xo bó ji vǐ súnnu ɖokpó. É sun nyǐ vǐ ɔ́ ɖɔ Beliya, ɖó nǔ jɛ ɖo xwé tɔn gbe .

²⁴ Vǐ nyɔ̌nu e é wá ji ɔ́ nyí Ceela. Ceela ɔ́ wɛ ɖó Bɛti-Holɔ́ni dodomɛ tɔn ɔ́, kpó Bɛti-Holɔ́ni kpóta tɔn ɔ́ kpó, bó ɖó Wuzɛni-Céela.

²⁵ Eflayímu ji Hlɛfáxi, Hlɛfáxi ji Hlecɛ́fu, Hlecɛ́fu ji Tɛlá, Tɛlá ji Taxáni.

²⁶ Taxáni ji Laedáni, Laedáni ji Amumihudi, Amumihudi ji Elicama,

²⁷ Elicama ji Nuni, Nuni ji Jozuwée.

²⁸ Ayǐkúngban e è nǎ Eflayímu ví lɛ́ɛ, kpó fí e yě nɔ́ nɔ lɛ́ɛ kpó wɛ nyí Betɛ́li kpó gletoxo e lɛ́ dó e lɛ́ɛ kpó, Naalani ɖo zǎnzǎnhwe jí, Gɛzɛ́ɛ ɖo gbadahwe jí kpó gletoxo e lɛ́ dó e lɛ́ɛ kpó, Sikɛ́mu kpó gletoxo e lɛ́ dó e lɛ́ɛ kpó, káká yi Aya toxo ɔ́ kpó gletoxo e lɛ́ dó e lɛ́ɛ kpó.

²⁹ Manasée ví lɛ́ɛ tɔn wɛ nyí Bɛti-Ceani kpó gletoxo e lɛ́ dó e lɛ́ɛ kpó; Tanaki kpó gletoxo e lɛ́ dó e lɛ́ɛ kpó, Mɛgido kpó gletoxo e lɛ́ dó e lɛ́ɛ kpó. Dɔ́ɔ kpó gletoxo e lɛ́ dó e lɛ́ɛ kpó. Toxo énɛ́ lɛ́ɛ mɛ wɛ Jozɛ́fu, Izlayɛ́li ví ɔ́ sín vǐ lɛ́ɛ nɔ.

Acɛ́ɛ ví lɛ́ɛ

³⁰ Acɛ́ɛ ví lɛ́ɛ ɖíe: Yimuna, Yicíwa, Yicíwi kpó Beliya kpó, kpódó nɔví yětɔn nyɔ̌nu Seláxi kpó.

³¹ Beliya ví lɛ́ɛ ɖíe: Hebɛ́ɛ kpó Malukiyɛ́li kpó. Malukiyɛ́li ɖó Bíizayiti toxo ɔ́ ayǐ.

³² Hebɛ́ɛ ji Yaflɛ́ti, Comɛ, Hotámu kpó nɔví yětɔn nyɔ̌nu Cuwa kpó.

³³ Yaflɛ́ti ví lɛ́ɛ ɖíe: Pasaku, Bimuhalu kpódó Aciwáti kpó.

³⁴ Comɛ ví lɛ́ɛ ɖíe: Axi, Hlɔxiga, Yexuba kpó Alamu kpó.

³⁵ Nɔví tɔn Hotámu ví lɛ́ɛ ɖíe: Sofáxi, Yimuna, Celɛ́ci kpó Amalu kpó.

³⁶ Sofáxi ví lɛ́ɛ ɖíe: Suwaxi, Haanɛfɛ́ɛ, Cuwálu, Belíi, Yimula,

³⁷ Bɛsɛ́ɛ, Hodu, Camúma, Ciluca, Yitlani kpó Beela kpó.

³⁸ Yɛtɛ́ɛ ví lɛ́ɛ ɖíe: Yefunnɛ́ɛ, Pisipa kpó Ala kpó.

³⁹ Wula ví lɛ́ɛ ɖíe: Aláxi, Hanniyɛ́li kpó Hlisía kpó.

⁴⁰ Mɛ énɛ́ lɛ́ɛ bǐ wɛ nyí Acɛ́ɛ ví. Hɛ̌nnugán ɖagbe wɛ yě nyǐ, bó nyí súnnu glegbenu, lobo nyí nukɔntɔ́ nukúnɖéjí. Súnnu e hɛn ɔ́, yě ná fun ahwan, bɔ è sɔ́ kɛ́n yětɔn lɛ́ɛ bǐ bló gbɛtɔ́ adɔ̌kpo ɖě děgba ɖě afɔwó (26.000).