1 Tan 2 - MAWUXÓWÉMA

¹ Jakɔ́bu e nɔ lɛ́ nyí Izlayɛ́li ɔ́ sín vǐ lɛ́ɛ ɖíe: Hwlibɛ́ni, Sinmɛnyɔ́ɔ, Levíi, Judáa, Isakáa, Zabulɔ́ɔn,

² Dan, Jozɛ́fu, Bɛnjamɛ́ɛ, Nɛfutali, Gadi kpó Acɛ́ɛ kpó.

³ Judáa ví lɛ́ɛ ɖíe: Ɛ́ɛ, Ɔnáni kpó Cela kpó. Asi tɔn Kanáanu Cuwa ví ɔ́ wɛ ji vǐ atɔn énɛ́ lɛ́ɛ n'i. Ɛ́ɛ nukɔngbéví Judáa tɔn ɔ́, Mawu Mavɔmavɔ mɔ ɛ dó mɔ mɛdídá, bó hu i.

⁴ Judáa lɛ́ ji Pɛlɛ́si kpó Zeláxi kpó ɖo vǐ tɔn sín asi Tamáa xomɛ. Vǐ tɔn lɛ́ɛ bǐ bló atɔ́ɔ́n.

⁵ Pɛlɛ́si ví lɛ́ɛ ɖíe: Ɛslɔ́ni kpó Hamúlu kpó.

⁶ Zeláxi ví lɛ́ɛ ɖíe: Zimuli, Etáni, Hemani, Kalukɔ́lu kpódó Dala kpán. Yě bǐ bló vǐ atɔ́ɔ́n.

⁷ Kaamíi ví ɔ́ nɔ́ nyí Akáa. Akáa ɔ́ wɛ ɖe nǔ e è bɛ̌ sín ahwangbénu wá nú Mawu Mavɔmavɔ ɔ́ kpo, bó dɔn nǔ nyanya dó Izlayɛ́li to ɔ́ jí.

⁸ Etáni ví ɔ́ nɔ́ nyí Azalya.

⁹ Ɛslɔ́ni ví lɛ́ɛ ɖíe: Yelaximɛyɛ́li, Hlamu kpódó Kalɛ́bu e è nɔ lɛ́ ylɔ́ ɖɔ Kelubayi ɔ́ kpó.

¹⁰ Hlamu ji Aminadabu, Aminadabu ji Naxicɔ́ni; Naxicɔ́ni wɛ kpa acɛ dó akɔta Judáa tɔn nu.

¹¹ Naxicɔ́ni ji Saluma, Saluma ka ji Bowozi,

¹² Bowozi ji Ovɛ́di, bɔ Ovɛ́di ji Jɛsée.

¹³ Jɛsée ɖó vǐ súnnu tɛ́nwe. Nukɔntɔn ɔ́ nyí Eliavu, wegɔ́ ɔ́ nyí Avinadávu, bɔ atɔngɔ́ ɔ́ nyí Cimɛ́ya.

¹⁴ Ɛnɛgɔ́ ɔ́ nyí Nɛtanɛli. Atɔ́ɔ́ngɔ́ ɔ́ nyí Hladayi.

¹⁵ Ayizɛ́ngɔ́ ɔ́ nyí Osɛ́mu, bɔ tɛ́nwegɔ́ ɔ́ nyí Davídi.

¹⁶ Nɔví yětɔn nyɔ̌nu lɛ́ɛ ɖíe: Selúya kpó Avigalu kpó. Selúya ɔ́ ji vǐ atɔn: Avicáyi, Jowabu kpó Asaxɛli kpó.

¹⁷ Avigalu ɔ́, ji vǐ ɖokpó bɔ é nɔ́ nyí Amasa. Tɔ́ tɔn nɔ́ nyí Yɛtɛ́ɛ; Isimayɛ́li ví wɛ.

¹⁸ Kalɛ́bu Ɛslɔ́ni ví ɔ́ ji vǐ ɖo asi tɔn Azuva xomɛ, bo ji ɖo Yeliyɔ́ti xomɛ. Vǐ tɔn lɛ́ɛ ɖíe: Yecɛ́ɛ, Covavu kpódó Aadɔ́ni kpó.

¹⁹ Azuva wá kú, bɔ Kalɛ́bu da Efláti, bo ji Húu ɖo xo tɔn mɛ.

²⁰ Húu ji Wulíi, bɔ Wulíi ji Besalɛli.

²¹ Énɛ́ ɔ́ gúdo ɔ́, Ɛslɔ́ni da Makíi Galadi tɔ́ ɔ́ sín vǐ. Xwe kanɖé ko (60) wɛ é ɖó hwenu e é da nyɔ̌nu ɔ́ é, bó ji Segúvu ɖo xo tɔn mɛ.

²² Segúvu ka ji Yayíi, Yayíi ɔ́ toxo ko-nukún-atɔn wɛ é ɖó ɖo Galadi yíkúngban jí.

²³ Axɔ́sú Gɛcúu tɔn kpó Alamu tɔn kpó yí gletoxo Yayíi tɔn lɛ́ɛ, bó yí gletoxo e ɖo Kenáti lɛ́ɛ kpódó éé lɛ́ lɛ̌ dó e lɛ́ɛ kpó, bɔ bǐ bló kanɖé ko (60). Mɛ e ɖo toxo énɛ́ lɛ́ɛ mɛ lɛ́ɛ bǐ wɛ nyí Makíi, Galadi tɔ́ ɔ́ sín vǐ.

²⁴ Ée Ɛslɔ́ni kú ɔ́, Kalɛ́bu ɖó xó xá tɔ́ tɔn Ɛslɔ́ni sín asi Efláti, bɔ é ji Acehúu n'i. Acehúu ɔ́ wɛ ɖó Tekowa toxo ɔ́ ayǐ.

²⁵ Yelaximɛyɛ́li nukɔngbéví Ɛslɔ́ni tɔn sín vǐ lɛ́ɛ ɖíe: Hlamu, Buna, Olɛni, Osɛ́mu kpó Axiya kpó. Hlamu wɛ nyí nukɔngbéví ɔ́.

²⁶ Yelaximɛyɛ́li da nyɔ̌nu ɖěvo bo ji Ɔnámu ɖo xo tɔn mɛ. Nyɔ̌nu ɔ́ nɔ́ nyí Atala.

²⁷ Hlamu nukɔngbéví Yelaximɛyɛ́li tɔn ɔ́ sín vǐ lɛ́ɛ ɖíe: Maasi, Yamini kpó Ekɛ́ɛ kpó.

²⁸ Ɔnámu ví lɛ́ɛ ɖíe: Camumayi kpó Yada kpó. Camumayi ɔ́, vǐ éyɛ́ tɔn lɛ́ɛ ɖíe: Nadavu kpó Avicúu kpó.

²⁹ Avicúu da Avihayilu, bó ji Axibani kpó Mɔlidi kpó ɖo xo tɔn mɛ.

³⁰ Nadavu ví lɛ́ɛ ɖíe: Sɛlɛ́di kpó Akpayímu kpó. Sɛlɛ́di ka ɖó vǐ ɖě cóbó kú ǎ.

³¹ Akpayímu ɔ́ ji Yiceyi. Yiceyi ji Cecáni, Cecáni ji Axlayi.

³² Yada, Camumayi nɔví ɔ́ sín vǐ lɛ́ɛ ɖíe: Yɛtɛ́ɛ kpó Yonatáni kpó. Yɛtɛ́ɛ ka ɖó vǐ ɖě cóbó kú ǎ.

³³ Yonatáni ví lɛ́ɛ ɖíe: Pɛlɛ́ti kpó Zaza kpó. Yelaximɛyɛ́li sín kúnkan lɛ́ɛ nɛ́.

³⁴ Cecáni ji vǐ súnnu ɖě ǎ, vǐ nyɔ̌nu kɛ́ɖɛ́ wɛ é ji. Cecáni ɖó kannumɔ Ejípunu ɖokpó, bɔ é nɔ nyí Yaaxa.

³⁵ Cecáni sɔ́ vǐ tɔn ɖokpó da nú Yaaxa, kannumɔ tɔn ɔ́, bɔ é ji Atayi n'i.

³⁶ Atayi ji Natáni. Natáni ji Zavadu,

³⁷ Zavadu ji Efláli, Efláli ji Ovɛ́di,

³⁸ Ovɛ́di ji Yehu, Yehu ji Azalya,

³⁹ Azalya ji Hɛlɛ́si, Hɛlɛ́si ji Eleasa,

⁴⁰ Eleasa ji Sisimayi, Sisimayi ka ji Calúmu.

⁴¹ Calúmu ji Yekamiya, Yekamiya ka ji Elicama.

⁴² Kalɛ́bu, Yelaximɛyɛ́li nɔví ɔ́ sín vǐ lɛ́ɛ ɖíe: Mɛca kpó Maleca kpó. Mɛca wɛ nyí nukɔngbéví tɔn. É wɛ ji Zifu. Maleca ví lɛ́ɛ wɛ ka ɖo Eblɔ́n.

⁴³ Eblɔ́n ví lɛ́ɛ ɖíe: Koláxi, Tapuwaxi, Hlɛkɛ́mu kpódó Cɛma kpán.

⁴⁴ Cɛma ji Hlaxámu, Hlaxámu ji Yɔkeamu, Hlɛkɛ́mu ka ji Camumayi.

⁴⁵ Camumayi ji Mawɔ́ni, bɔ Mawɔ́ni ji Bɛti-Súu.

⁴⁶ Kalɛ́bu ɖó asi ɖokpó bɔ é nɔ́ nyí Eyifa. Eyifa ji Halani, Mɔsa kpó Gazɛzi kpó n'i. Halani ji súnnu ɖokpó, bó sun nyǐ i ɖɔ Gazɛzi.

⁴⁷ Yaxidayi ví lɛ́ɛ ɖíe: Hlɛgɛ́mu, Yotámu, Gecáni, Pɛlɛ́ti, Eyifa kpódó Cáafu kpó.

⁴⁸ Kalɛ́bu ɖó asi ɖěvo, bɔ è nɔ ylɔ́ ɛ ɖɔ Maaka. Maaka ji Cɛvɛ́ɛ kpó Tíilana kpó n'i,

⁴⁹ Maaka lɛ́ ji Cáafu kpódó Cewa kpó. Cáafu ɔ́ ji Madumána, Cewa ɔ́ ji Makibena kpó Giveya kpó. Kalɛ́bu ji nyɔ̌nu ɖěvo bɔ è nɔ ylɔ́ ɛ ɖɔ Akisa.

⁵⁰ Kalɛ́bu sín vǐ ɖěvo lɛ́ɛ ɖíe: Húu. É wɛ nyí asi tɔn Efláti ɔ́ sín nukɔngbéví. Húu ɔ́ ji vǐ atɔn. Đokpó nɔ́ nyí Covalu. É wɛ ɖó Kiliyati-Yealimu toxo ɔ́ ayǐ.

⁵¹ Đokpó nɔ́ nyí Saluma. É wɛ ɖó Bɛteleyɛ́mu toxo ɔ́ ayǐ. Đokpó nɔ́ nyí Halɛ́fu. É wɛ ɖó Bɛti-Gadɛ́ɛ toxo ɔ́ ayǐ.

⁵² Covalu e ɖó Kiliyati-Yealimu toxo ɔ́ ayǐ ɔ́ wɛ dó Haloɛnu lɛ́ɛ kpó Mɛnuhɔtinu lɛ́ɛ vlɔ̌ kpó sín kún.

⁵³ Bó lɛ́ dó akɔta e ɖo Kiliyati-Yealimu lɛ́ɛ sín kún. Akɔta lɛ́ɛ ɖíe: Yɛtɛ́ɛ ví lɛ́ɛ, Pútinu lɛ́ɛ, Cumatinu lɛ́ɛ kpó Micelanu lɛ́ɛ kpó. Akɔta énɛ́ lɛ́ɛ wɛ ɖo Soléa gletoxo lɛ́ɛ kpó Ɛcitawɔ́lu gletoxo lɛ́ɛ kpó mɛ.

⁵⁴ Saluma wɛ dó Bɛteleyɛ́munu lɛ́ɛ kpó Nɛtofanu lɛ́ɛ kpó sín kún, bó dó Atlɔ́ti-Bɛti-Yoavunu, Manaxáti ví lɛ́ɛ vlɔ̌ kpó Soléanu lɛ́ɛ vlɔ̌ kpó sín kún,

⁵⁵ bó lɛ́ dó wěmasetɔ́ e ɖo Yaebɛ́si lɛ́ɛ sín kún. Yě wɛ nyí Tileatíi lɛ́ɛ kpó Cimɛyati lɛ́ɛ kpó, kpódó Sukátinu lɛ́ɛ kpó. Yě mɛ énɛ́ lɛ́ɛ ɔ́, Keninu wɛ yě nyǐ, bó jɔ ɖo Hamumáti e nyí tɔ́gbó Hlekávu ví lɛ́ɛ tɔn é sín kún mɛ.