Vosavakaibalebale 27 - Vakavakadewa Vou kei na iVola tale eso

¹ Kakua ni boletaka na ka mo cakava ena siga ni mataka, ni o sa sega ni kila na ka ena yaco ena dua na siga.

² Laivi ira na tani se na kai tani me dokai iko, ia mo kakua ga ni dokai iko vakai iko.

³ E sega sara ni dua na ka na bibi ni vatu kei na nuku ni vakatautauvatani kei na leqa e rawa ni vakavuna na lialia.

⁴ Sa dau veivakarusai ka sega ni dau loloma na cudru, ia o cei ena tiko rawa ena matana na dauvuvu.

⁵ E uasivi cake na veivunauci e matanavotu mai na loloma e vunitaki lo.

⁶ E vinaka na i naki ni veivakamavoataki ni i tokani voleka, ia sa dauveivakacalai ga na i regu ni meca.

⁷ A tamata e sa mamau sa cata na qani oni, ia sa kamikamica ga na ka kece veitalia ni gaga ki vua sa viakana.

⁸ Sa vaka na manumanu vuka sa dro mai na nona sova na tamata sa lako yawa mai na nona i tikotiko.

⁹ Na i vakaboi vinaka kei na waiwai boi vinaka sa vakamarautaka na yalo, kei na veiwekani voleka sa vakayaloqaqataka na yaloda.

¹⁰ Kakua ni biuti ira na nomu i tokani se na i tokani nei tamamu e tiko sara vakayawa.

¹¹ Mo yalomatua na luvequ au na qai marau. Ena qai tu vei au na ka me'u kaya vei ira kece era vakalewai au.

¹² Na tamata yalomatua ena raica ni sa yaco mai na leqa ena taqomaki koya, ia na tamata yalowai ena lako ga yani kina ka na qai veivutunitaka e muri.

¹³ Na tamata lialia e yalataka me sauma na nona dinau na kai tani e dodonu me vesu na ka e taukena me i vakadei ni kena saumi na dinau.

¹⁴ O koya sa vosa vakalougatataka na wekana vakadomoilevu ena mataka caca sara, ena rawa me okata o koya sa vosa vakalougatataki me ruru.

¹⁵ Na yalewa vakawati dauvakatubu veileti, sa tautauvata kei na turu ni wai sa sega ni mudu ena dua na siga ucauca.

¹⁶ Ni o tovolea mo vagalui koya, sa tautauvata kei na via tarova na cagi; se o koya e via taqomaka na waiwai e sinai tu e ligana.

¹⁷ Na kaukamea e vagatara na kaukamea me vaka na nona vuku na tamata mai na dua tale na tamata.

¹⁸ O koya sa qarava vinaka e dua na vunilolo ena kania na vuana. Na dauveiqaravi ena qarava vinaka na nona turaga ena dokai.

¹⁹ Na matamu o na ilova ena wai me vaka ga na nomu raici iko vakai iko ena yalomu.

²⁰ Na gagadre ni tamata ena sega ni mamau rawa me vaka na nodra vuravura na mate na kena sega ni sinai rawa.

²¹ Na koula kei na siliva e dau vakatovolei ena buka. Na kena i rogorogo e dua na tamata sa rawa talega me vakatovolei tale kina o koya.

²² Kevaka sara mada ga o mokuta e dua na lialia me voleka sara tu ni mate, ena sega sara ni oti kina na nona lialia.

²³ Vakatawa vinaka sara na nomu qele ni sipi kei na bulumakau,

²⁴ baleta ni sa sega ni ka tudei na i yau. Era sa sega talega ni ka tudei vakadua na veimatanitu.

²⁵ Sa takali yani na co ka sa tubu vou tale mai, ia sa la'ki musu mai na co drokadroka ena veibaba.

²⁶ O ni sa rawa ni cakava na i sulu mai na vutika ni sipi ka voli qele mai na i lavo sa rawati mai na nomuni volitaka eso na nomuni me.

²⁷ Na vo ni nomu me era na vakarautaka na memu sucu kei na sucu me baleta na nomu vuvale, ka vakakina o iratou na nomu yalewa dauveiqaravi.