Vosavakaibalebale 24 - Vakavakadewa Vou kei na iVola tale eso

Na i Katinikaciwa ni Vosa ni Vuku

¹ Kakua ni vuvutaki ira na tamata ca, ka kakua ni via veitokani vata kei ira.

² Na ka ga era vakasamataka sai koya me ra vakatubu leqa; ena veigauna kece era vosa kina vua, ena rawa ni mavoa e dua na tamata.

Na Kena i Karuasagavulu

³ Sa tara cake na veivale ena vuku kei na kila-ka.

⁴ Na vanua e kune kina na vuku, ena vakaiyaya na kena veiloma ni vale ena veiyaya talei kei na veiyaya rairai vinaka.

Na Kena i Karuasagavulukadua

⁵ Sa uasivi cake na vuku kei na kila-ka mai na kaukauwa.

⁶ Sa dodonu mo vakasamataka vinaka sara na veika mo na cakava ni o se bera ni ia na i valu, kei na levu ga ni vakasala vinaka o na taura na kena rawa ni nomu na qaqa.

Na Kena i Karuasagavulukarua

⁷ Na veivosavosa vuku sa dredre sara me kila na tamata lialia. Ena sega na ka e tukuna o koya ni veivosakitaki e dua na ka bibi.

Na Kena i Karuasagavulukatolu

⁸ O koya sa dau nakita me cakava na ka ca ena vakatokai me dau vakatubu ca.

⁹ Na ka ga e nakita na tamata ca sai koya me cakava na ka ca. Era cata na tamata na dauveivakalialiai.

Na Kena i Karuasagavulukava

¹⁰ Kevaka o sa malumalumu mai ena dua na veivala o sa malumalumu dina sara ga.

Na i Karuasagavulukalima ni Vosa ni Vuku

¹¹ Kakua ni lokuyara ni la'ki vakabula e dua na tamata sa yarataki me la'ki vakamatei. E rawa mo na kaya ni sega na kena yaga vei iko, ia na Kalou sa kila, ka vakatovolea na yaloda.

¹² Sa dikevi iko; ka kila. Sa saumi ira na tamata o koya me vaka na nodra i valavala.

Na Kena i Karuasagavulukaono

¹³ Na luvequ kania na oni; sa uasivi dina na kena kamikamica mai na qani oni;

¹⁴ sa vinaka vakakina na vuku kei na kila-ka ki na yalo. Kevaka o rawata ena daumaka na nomu veigauna mai muri.

Na Kena i Karuasagavulukavitu

¹⁵ Kakua sara ni nakita mo la'ki butako vua na tamata yalododonu se mo kauta tani na nona vale; sa ka ca sara o ya.

¹⁶ Veitalia sara ga na levu ni nona bale na tamata yalododonu, ena tu cake tale mai. Ia na leqa ena vakarusa na tamata ca.

Na Kena i Karuasagavulukawalu

¹⁷ Kakua ni marau ni sota kaya na leqa na kemu meca.

¹⁸ Ena kila o Jiova, kevaka e vakakina, ena sega ni vinakata. Ena qai sega ni totogitaki iko.

Na Kena i Karuasagavulukaciwa

¹⁹ Me ra kakua ni vakanuiqawaqawataki iko na tamata ca; kakua talega ni vuvutaki ira.

²⁰ Na tamata ca sa sega na nona i nuinui, sa sega na ka me nuitaka ena gauna mai muri.

Na i Katolusagavulu ni Vosa ni Vuku

²¹ Rerevaki Jiova na luvequ, ka doka na tui. Kakua ni vakailala vata kei ira era dau saqati rau; sa rawa me ra vakarusai na tamata oqori ena dua na gauna lekaleka.

²² O sa bau kila li na leqa e rawa ni vakavuna na Kalou se na tui?

Na Veivosa ni Vuku Tale Eso

²³ Sa i koya talega oqo na veika era tukuna na tamata yalomatua: Sa sega ni dodonu vua e dua na turaganilewa me vakataulewa vakatawadodonu.

²⁴ Kevaka ena kaya ni sa dodonu e dua na tamata cala, ena cudruvi ka cati mai vei ira na tamata kecega.

²⁵ Ia o ira na turaganilewa sa totogitaki ira era sa cala, era na kune ka vinaka ka rogo vinaka na yacadra.

²⁶ Sa vaka na i regu ni veiwekani o koya sa dautukuna yani vakadodonu na ka dina sa tarogi mai.

²⁷ Kakua mada ni tara na nomu vale se tauyavutaka e dua na nomu vale me yacova ni sa vakarau oti na vanua ka vakadeitaka ni o sa na rawa ni rawata na nomu bula.

²⁸ Kakua ni solia na i vakadinadina me saqata na wekamu, ka sega na vuna vinaka, se tukuna na ka e veivakacalai me baleti koya.

²⁹ Kakua ni kaya, Au na cakava vua na ka sa cakava vei au. Au na sauma lesu ga vua na ka sa cakava vei au.

³⁰ Au a lakova na nona loma ni vanua kei na nona veivaini e dua na tamata yalowai ka vucesa.

³¹ Sa sinai kina na kau vakavotona ka sa sivia tu kina na co ca. A sa bale na bai vatu sa toka wavokita.

³² Au raica na ka oqo ka vakasamataka, ka'u sa vulica mai kina na lesoni oqo:

³³ Mo bobo tale mada ka tabalaka na moce kevaka o vinakata. Mo roqo liga tale mada ka vakacegu vakalailai,

³⁴ ia ni o sa moce lutu no, ena qai ravuti iko o dravudravua me vaka e dua na daubutako vakaiyaragi.