Vakatekivu 36 - Vakavakadewa Vou kei na iVola tale eso

Na Kawa i Iso

¹ Sai ira oqo na kawa i Iso, a sa vakatokai talega o Itomi.

² Sa vakawatitaka o Iso eso na yalewa ni Kenani: o Eta na luvei Eloni na Itaiti; o Aolipama na luvei Ena ka makubui Sipioni na yalewa ni Aivaiti;

³ kei Pasemaca na luvei Isimeli ka ganei Nepeioci.

⁴ E luvei Eta o Ilivasi; e luvei Pasemaca o Riueli;

⁵ e ratou luvei Aolipama o Jiusi, kei Jalami, kei Kora. Sai ira o ya na luve i Iso tagane era a sucu ena vanua o Kenani.

⁶ Sa qai kauti ira na watina o Iso, na luvena tagane, na luvena yalewa, na lewe ni nona vuvale, na nona bulumakau kece, na nona manumanu kece, kei na nona i yau kecega sa rawata mai Kenani ka lako tani yani mai vei Jekope na tacina ki na dua tale na vanua.

⁷ A sa lako yani baleta ni sa sega ni rauti rau na vanua erau a tiko kina kei Jekope. A rui levu sara na nodrau manumanu ka sega ni rawa ni rau tiko ruarua e kea ni lailai na vanua.

⁸ A sa mani la'ki tiko o Iso, se o Itomi, ena vanua veidelana mai Sia.

⁹ Sai ira oqo na kawa i Iso, na tamadra na kai Itomi ena vanua veidelana mai Sia.

¹⁰ Oqo na yacadra na luve i Iso tagane: o Ilivasi na luve i Iso vei Eta na watina kei Riueli na luve i Iso vei Pasemaca na watina.

¹¹ Sai ira oqo na luve i Ilivasi: o Temani, Omari, Sifo, Katami kei Kenasi.

¹² O Timani e dua vei ira na wati Ilivasi na luve i Iso; na luvena o Amaleki. Sai ira o ya na luve i Eta na wati Iso.

¹³ Sai ira oqo na luve i Riueli tagane: o Neaca, Sira, Sama, kei Misa. Sai Riueli oqo na luve i Pasemaca na wati Iso

¹⁴ Sai ira oqo na luve i Iso vei Aolipama, na luvei Ena ka makubui Sipioni: o Jiusi, kei Jalami, vata kei Kora.

¹⁵ Sai ira oqo na turaga vei ira na kawa i Iso. Oqo o ira na luve i Ilivasi na ulumatua i Iso: na tagane o Temani, Omari, Sifo, Kenasi,

¹⁶ Kora, Katami kei Amaleki. Sai ira o ya na tagane era sa tubu mai vei Ilivasi mai na vanua o Itomi. Era sa kawa i Eta.

¹⁷ Sai ira oqo na luve i Riueli na luve i Iso; na tagane o Neaca, Sira, Sama kei Misa. O ya o iratou na tagane e ratou sa tubu mai vei Riueli mai na vanua o Itomi. Era luve i Riueli na luve i Pasemaca na wati Iso.

¹⁸ Oqo o ira na kawa i Aolipama na wati Iso: na tagane o Jiusi, Jalami kei Kora. O ya o iratou na tagane e ratou a tubu mai vua na wati Iso o Aolipama na luve i Ena.

¹⁹ Sa ira o ya na kawa i Iso, se o Itomi, ka sai ira o ya era nodra tagane.

Na Kawa i Sia

²⁰ Sai ira oqo na luve i Sia na luve i Ori, na i taukei ni vanua: o Lotani, o Sopali, o Sipioni, o Ena,

²¹ o Tisoni, o Esa kei Tisari. Oqo o ira na tagane vei ira na luve i Ori na luve i Sia ena vanua o Itomi.

²² Oi rau na luve i Lotani: o Ori kei Imani. (A sa dua na ganei Lotani, a yacana o Timina.)

²³ Oqo o iratou na luve i Sopali: o Alivani, o Maneaca, o Ipali, o Sifo, kei Onama.

²⁴ E rau sa lewe rua na luvena tagane o Sipioni, o Aia kei Ena. (Oqo o Ena ka a kunea na vure wai katakata ena vanua lala sa vakatawana tiko na asa nei Sipioni na tamana.)

²⁵ Oqo o ira na luve i Ena: o Tisani kei Aolipama na luve i Ena yalewa.

²⁶ Oqo o iratou na luve i Tisoni tagane: o Emitani, Esipani, Icirani kei Kirani.

²⁷ Oqo o iratou na luve i Esa: o Sevani kei Ekani.

²⁸ Oqo oi rau na luve i Tisani tagane: o Usu kei Erani.

²⁹ Sai ira oqo na turaga ni Ori: o Lotani, o Sopali, o Sipioni, o Ena,

³⁰ O Tisoni, o Esa kei Tisani. Era turaga ni Ori, me vaka na kedra i wasewase ena vanua o Sia.

O ira na Tui Itomi

³¹ Oqo o ira na tui era a veiliutaki ena vanua o Itomi ni bera ni dua na tui e Isireli me veiliutaki e kea.

³² O Bela na luve i Piori sa veiliutaki e Itomi: na yaca ni nona koro o Tinapa.

³³ Ia ni a mate o Bela, a sa kena i sosomi o Jopapa na luve i Sira mai Posira.

³⁴ Ni sa mate o Jopapa, a sa kena i sosomi o Usami mai na nodra vanua na luve i Tamani.

³⁵ Ni sa mate o Usami, a sa kena i sosomi o Etati, na luve i Pitati, o koya ka ravuti Mitiani ena vanua o Moapi, ka mani tui kina; ia na yaca ni nona koro o Evici.

³⁶ Ni sa mate o Etati, a sa sosomitaki koya me tui o Samila mai Masirika.

³⁷ Ni sa mate o Samila, a sa kena i sosomi o Saula mai Ripioci ena uciwai na Uferetisi.

³⁸ Ni sa mate o Saula, a sa kena i sosomi o Peali Anani na luve i Akipori.

³⁹ Ni sa mate o Peali Anani na luve i Akipori, a sa kena i sosomi o Etati. Na yaca ni nona koro o Pau, ka yaca i watina o Metapeli na luvena yalewa o Matereti, o koya na luve i Mesapi yalewa.

⁴⁰ Oqo na yacadra na i liuliu ni yavusa era sa tubu mai vei Iso me vaka na nodra dui mataqali kei na vanua era dui tiko kina. O ira na tagane o Timina, o Aliva, o Jiceci,

⁴¹ o Aolipama, o Ela, o Pioni,

⁴² o Kenasi, o Temani, o Misipa,

⁴³ o Makitieli, kei Airami. Sai ira o ya na qase ni yavusa mai Itomi (o ya o Iso, na tama i Itomi), me vaka na veivanua era dui tawana ena vanua era sa taukena.