Niemaia 7 - Vakavakadewa Vou kei na iVola tale eso

¹ Ni a viri oti na bai, ka ra caka oti na i sogo ni veimatamata, ka ra lesi oti talega na i vakatawa ni matamata, o ira na daunisere kei ira na Livai,

² au a qai solia vua na taciqu o Anani kei Ananaia na kovana ni vale vakatui na lewa kei Jerusalemi baleta ni tamata dina cake mai vei ira e lewe vuqa sara.

³ Au a kaya vei rau me kakua sara ni dola na matamata me yacova ni sa katakata cake na matanisiga, ia me ra sogo tale ka lokataki ni bera ni ra suka na matayadra ena dromu ni siga. Au a kaya talega me rau lesi ira na tamata yadra mai vei ira na lewe i Jerusalemi, ka me ra yadrava na vanua ni yadra eso, ka me so tale me ovisataka na veivanua sa volita na nodra dui veivale.

Na Yacadra na Vo-ni-bula mai na Tiko Vakavesu

⁴ A sa dua na koro levu o Jerusalemi, ia sa lewe lailai ga na tamata era sa vakaitikotiko kina, ka se bera ni levu sara na vale me tara tu kina.

⁵ A sa qai vakauqeti au na Kalou me'u soqoni ira vata mai na tamata, o ira na nodra i liuliu, kei ira na vakailesilesi me mai vakayacori na vola kawa. Au a qai kunea na kedra i vola ni kawa o ira era a liu mai, ka'u a mani raica ni volai tu kina na ka oqo:

⁶ Oqo o ira na lewe ni yasana era a lako cake mai na tiko vakabobula, vei ira sa kau vakavesu e liu, ka kauti ira yani o Nepukanesa na tui Papiloni. Era sa lesu tale tiko mai oqo ki Jerusalemi kei Juta, na tamata yadua ki na nona koro.

⁷ O iratou ka liutaki ira mai o Serupepeli, o Josua, o Niemaia, o Asaraia, o Ramaia, o Nemani, o Motekai, o Pilisani, o Misipereci, o Bikivai, o Neumi kei Baana.

⁸ Na kedra i wiliwili na kai Isireli era tagane sa vakaoqo: Na vuvale i Parosi era sa lewe 2,172.

⁹ Na vuvale i Sefataia, e 372.

¹⁰ O ira na luve i Ara, era sa lewe 652.

¹¹ O ira na luve i Peacimoapi, o ya o ira na luve i Jesua kei Joape, era sa lewe 2,818.

¹² O ira na luve i Ilama, era lewe 1,254.

¹³ O ira na luve i Satu, era lewe 845.

¹⁴ O ira na luve i Sakai, era lewe 760.

¹⁵ O ira na luve i Pinui, era lewe 648.

¹⁶ O ira na luve i Pipai, era lewe 628.

¹⁷ O ira na luve i Asikati, era lewe 2,322.

¹⁸ O ira na luve i Atonikama, era lewe 677.

¹⁹ O ira na luve i Pikivai, era lewe 2,067.

²⁰ O ira na luve i Atini, era lewe 655.

²¹ O ira na luve i Ateri, o ya mai vei Esekaia, era lewe 98.

²² Na vuvale i Asumi, era lewe 328.

²³ Na vuvale i Pisai, era lewe 324.

²⁴ O ira na vuvale i Arifa, era lewe 112.

²⁵ Na vuvale i Kipioni, era lewe 95.

²⁶ O ira na kai Peceliema kei Nitofa, era lewe 188.

²⁷ O ira na tagane na kai Anacoci, era lewe 128.

²⁸ O ira na tagane na kai Peci Asimaveci, era lewe 42.

²⁹ O ira na tagane na kai Kiriaci Jiarimi, Kifira kei Piroca, era lewe 743.

³⁰ O ira na tagane na kai Rama kei Kipa, era lewe 621.

³¹ O ira na tagane na kai Mikimasi, era lewe 122.

³² O ira na tagane ni Peceli kei Ai, era lewe 123.

³³ O ira na tagane na kai Nipo kadua, era lewe 52.

³⁴ O ira na tagane na kai Ilama kadua, era lewe 1,254.

³⁵ O ira na tagane na kai Arimi, era lewe 320.

³⁶ O ira na tagane na kai Jeriko, era lewe 354.

³⁷ O ira na tagane mai Lota, Atiti kei Ono, era lewe 721.

³⁸ O ira na tagane na kai Asena, era lewe 3,930.

³⁹ Oqo o ira na kawa vakabete era a lesu mai na veivakabobulataki: ena kawa i Jetaia ena matavuvale i Jesua, era lewe 973.

⁴⁰ O ira na luve i Ima, era lewe 1,052.

⁴¹ O ira na luve i Pasuri, era lewe 1,247.

⁴² O ira na luve i Erimi, era lewe 1,017.

⁴³ O ira na kawa i Livai era a lesu mai na veivakabobulataki: mai vei ira na luve i Jesua kei Katimieli, ka vu mai vei Otiva, era lewe 74.

⁴⁴ O ira na daunisere: mai vei ira na kawa i Esava, era lewe 148.

⁴⁵ O ira na i vakatawa ni matamata: mai na kawa i Salumi, kei Ateri, kei Talimoni, kei Akupi, kei Etita, kei Sopai, era lewe 138.

⁴⁶ O ira na dauveiqaravi e valenisoro: mai vei ira na kawa i Saia, kei Esufa, kei Tapaoce,

⁴⁷ kei Kirasi, kei Sia, kei Patoni,

⁴⁸ kei Lipana, kei Ekapa, kei Salimai,

⁴⁹ kei Anani, kei Kiteli, kei Keari;

⁵⁰ kei Riaya, kei Risini, kei Nikota,

⁵¹ kei Kasami, kei Usa, kei Pasea;

⁵² kei Pesai, kei Maoni, kei Nifusimi;

⁵³ kei Pakipuki, kei Ekufa, kei Ariuri;

⁵⁴ kei Baselice, kei Mita, kei Arisa;

⁵⁵ kei Parikosi, kei Sisera, kei Tema;

⁵⁶ Nisia, Etifa.

⁵⁷ O ira na luvedra na tamata i Solomoni: mai vei ira na kawa i Soti, kei Sofereci, kei Piraita;

⁵⁸ kei Yala, kei Tarikoni, kei Kiteli;

⁵⁹ kei Sefataia, kei Atili, kei Pokereceasipaimi, kei Emoni.

⁶⁰ O ira kece na dauveiqaravi ena Valenisoro kei ira era kawa mai vei ira na dauveiqaravi i Solomoni na tui era lewe 392.

⁶¹ O ira oqo era a lako cake mai na koro o Telimela, kei Teli-arisa, kei Kirupa, kei Atoni kei Ima; ia era a sega ni vakadinadinataka rawa se ra a kawa mai vei ira na Isireli se segai.

⁶² O ira mai na kawa i Tilaia, kei Topaia, kei Nikota, era lewe 642.

⁶³ Mai vei ira na kawa vakabete: o ira na luve i Apaya, kei Kose, kei Basiliai (o koya ka veiwatini kei na dua vei ira na goneyalewa na luve i Basiliai na kai Kiliati ka sa mani tauri yaca mai na vuvale o ya).

⁶⁴ O ira oqo era a la'ki vakasaqara se ra sa volai vata tu kei ira era a sa vola kawabula oti; ia, era a sega ni kunea kina na yacadra; o ya e vakavuna me ra vakuai mai na cakacaka vakabete ka ni ra sega tu ni savasava.

⁶⁵ A mani tukuna vei ira na kovana me ra sa kakua mada ni kana mai na magiti tabu me yacova ni basika cake e dua na bete e tiko vua na Urimi kei na Cumimi.

⁶⁶ Ni ra wiliki vata o ira taucoko sa soqoni vata mai, era sa lewe 42,360;

⁶⁷ ka ra sega ni wili kina o ira na nodra dauveiqaravi tagane kei na yalewa. O ira oqo era lewe 7,337. Na nodra daunisere tagane kei na yalewa, era lewe 245.

⁶⁸ Na nodra ose era lewe 736, kei na nodra meuli era lewe 245.

⁶⁹ Na nodra kameli era lewe 435 kei na nodra asa era lewe 6,720.

⁷⁰ Eso vei ira na qase ni veivuvale era a soli ka ki na cakacaka. A solia na kovana ki na kena kato ni yau e 8 na kilokaramu na koula, e 50 na bilo ni vakacaboisoro kei na 530 na i sulu ni bete.

⁷¹ Eso vei ira na qase ni veivuvale era a solia ki na kato ni i yau ni cakacaka e 168 na kilokaramu na koula, 140 na kilokaramu na siliva kei na 67 na i sulu ni bete.

⁷² Ia era a solia o ira na kena vo e 168 na kilokaramu na koula, 140 na kilokaramu na siliva kei na 67 na i sulu ni bete.

⁷³ O ira na bete, kei ira na Livai, kei ira na i vakatawa ni matamata, kei ira na daunisere, kei ira na dauveiqaravi e valenisoro, vata kei ira kecega na Isireli era sa la'ki tiko ena nodra koro na Juta.