NA SAME 97 - Vakavakadewa Vou kei na iVola tale eso

Na Lagilagi ni Nona Veiliutaki na Kalou

¹ Sa tui o Jiova! Mo reki na Vuravura! Ni marau oi kemuni kece na yanuyanu ni wasawasa!

² Sa wavoliti koya na o kei na butobuto; Sa tauyavutaki na nona matanitu ena i valavala dodonu kei na lewa maqosa.

³ Sa liutaki koya yani na bukawaqa, Ka vakamai ira kece na kena meca era wavokiti koya.

⁴ Sa vakararamataka na vuravura na nona livaliva; Sa raica na vuravura ka sa sautaninini.

⁵ Sa waicala yani na veidelana me vaka na drega, ena mata i Jiova; Ena mata i koya na Turaga ni vuravura taucoko.

⁶ Sa tusanaka na lomalagi na nona yalododonu Ka ra sa raica na lomalagi na nona yalovinaka, Sa raica na tamata kecega na nona lagilagi.

⁷ Era sa madua o ira era qarava na matakau; Era sa cuva sobu vua na kalou kecega.

⁸ Era sa marau na lewe i Saioni, Ka ra reki na veikoro e Juta, Ena vuku ni nomuni lewa Jiova!

⁹ Kemuni Jiova na Turaga kaukauwa, Sa i kemuni ga sa liutaki vuravura; O ni sa cecere sara mai vei ira na veikalou kecega.

¹⁰ Sa lomani ira era cata na ca o Jiova, Sa taqomaka na nodra bula na nona tamata; Sa vakabulai ira mai na ligadra na tamata ca.

¹¹ Sa cila na rarama vei ira na i valavala dodonu, Kei na marau vei ira na i tovo vinaka.

¹² Ni marau oi kemuni kece na i valavala dodonu baleta na ka sa cakava o Jiova. Ni nanuma na veika sa cakava o koya na Ledua Yalo Savasava, Ka vakavinavinaka vua. A Same.