NA SAME 94 - Vakavakadewa Vou kei na iVola tale eso

Na Kalou sa Lewa na Veika Kecega

¹ Kemuni Jiova, sai kemuni na Kalou dauveivakatotogitaki; Ni vakaraitaka mada na nomuni cudru.

² Sa i kemuni na ga na turaganilewa ni tamata vakayadua, Ni vakataulewa mada vei ira na viavialevu ena vuku ni nodra i valavala.

³ Ena vakacava soti na balavu ni gauna me ra na reki tikoga kina na tamata i tovo vakasisila? I Jiova, ena vakaevei beka na kena dede?

⁴ Ena vakacava soti na balavu ni gauna era na dokadokataka tiko kina na tamata ca na veika ca era cakava?

⁵ I Jiova, era sa vakamavoataki ira na nomuni tamata; Era sa vakasosataki ira sa okati me ra nomuni.

⁶ Era sa vakamatei ira na yada kei na luveniyali, Ka labati ira na vulagi era tiko ena neimami vanua.

⁷ Era sa kaya, “Sa sega ni raici keda o Jiova; Sa sega ni kunei keda na Kalou i Jekope.”

⁸ Kemuni na noqu tamata, e rawa vakacava mo ni lialia tu vaka o ya? O ni na qai yalomatua rawa ena gauna cava?

⁹ Na Kalou sa bulia na daligada, ena qai sega li ni rogoca rawa o koya? Sa bulia o koya na matada, ena qai sega li ni raica rawa o koya?

¹⁰ Sa dauvunauci ira na veimatanitu, ena sega li ni vunauci kemudou? Sa dau vakavulica na tamada me kila-ka, sa sega li ni tu vua na kila-ka?

¹¹ Sa kila o Jiova na ka era nanuma; Sa kila o koya na kena tawayaga na nodra vakatulewa ni vakasama.

¹² I Jiova, sa kalougata na tamata o ni sa vakavulica, O ira o ni sa tuberi ira ena nomuni lawa!

¹³ O ni sa solia vei ira na vakacegu mai na veigauna ni rarawa, Me yacova ni sa keli na qara me corita na tamata ca.

¹⁴ Ena sega ni biuti ira na nona tamata o Jiova, Ena sega ni biuti ira era sa nona.

¹⁵ Ena laurai tale na lewa dodonu ena vale ni veilewai; Ka ra na tokona kece na tamata yalododonu.

¹⁶ O cei ena tucake me totaki au ena saqati ira na tamata ca? O cei ena to ena noqu yasana ena saqati ira na i valavala ca?

¹⁷ Kevaka sa sega ni vukei au o Jiova, Ke'u sa na qai ia vakatotolo sara yani ki na vanua ni vagagalu.

¹⁸ Au a kaya, “Sa sisi na yavaqu me'u sa bale,” Ia, na nomuni loloma tudei ga, i Jiova, sa tauri au cake tu.

¹⁹ Ni'u a taqaya ka lomaocaoca, O ni a qai vakacegui au ga ka vakamarautaki au.

²⁰ O ni sa sega ni duavata kei ira na turaganilewa tawa dodonu Era sa vakalawataka na veika tawa dodonu;

²¹ Era sa bukiveretaki ira na tamata vinaka, Ka vakatauca na i totogi mate vei ira na tamata dodonu.

²² Ia sa taqomaki au o Jiova; Sa viribaiti au na noqu Kalou.

²³ Ena totogitaki ira o koya ena vuku ni nodra i tovo ca, Ka vakarusai ira me baleta na nodra i valavala ca; Ena vakarusai ira o Jiova na noda Kalou.