NA SAME 93 - Vakavakadewa Vou kei na iVola tale eso

Na Cecere ni Nona Veiliutaki na Kalou

¹ Sa tui o Jiova. Sa vakaisulu ena i sulu vakaturaga kei na kaukauwa. Sa vakataudeitaki vinaka o vuravura Ka sa dredre me yavalati rawa.

² Na nomuni i dabedabe vakatui, kemuni Jiova, sa tudei mai na i vakatekivu; Ka o ni a sa bula tu mai ni se bera na i tekitekivu ni gauna.

³ Sa voqa cake na domo ni wai levu, i Jiova; Sa rogo levu na kena rorogo ka vadugu.

⁴ Sa lewa ena qaqa o Jiova mai cake, Sa levu cake mai na vadugu ni wasawasa, Ka kaukauwa cake mai na veibiau ni wasa liwa.

⁵ Sa sega ni mudu na nomuni lewa Ka savasava dina na nomuni vale tabu, Ena veigauna kecega ka sega ni mudu.