NA SAME 87 - Vakavakadewa Vou kei na iVola tale eso

¹ Sa tara na nona koro na Kalou ena ulunivanua tabu;

² Sa lomana vakalevu duadua na koro o Jerusalemi o Koya mai na veivanua kecega e Isireli.

³ Rogoca mada o iko, na koro ni Kalou, Na veika talei sa tukuna o koya ena vukumu.

⁴ Ni'u wilika na veimatanitu era talairawarawa vei au, Au na wiliki rau kina o Ijipita kei Papiloni; Au na qai kaya me baleti Filisitia, Taia kei Eciopea, Ni ratou sa wiliki talega me nei Jerusalemi.

⁵ Ia, ena tukuni ga me baleti Saioni Ni ra sa wiliki kina na veimatanitu kecega; Ka na vakataudeitaka o Koya sa Cecere Sara.

⁶ Ena vola o Jiova e dua na i vola ni yacadra na tamata, Ka na okati ira kece kina na tamata me ra lewe ni koro o Jerusalemi.

⁷ O ira kece era tiko e kea era sa sere kei na meke, ka kaya, “Sa tiko mai Saioni na i vurevure ni neimami vakalougatataki.” A Sere. A nodra Same na luve i Kora. Vua na i liuliu ni sere: me vaka na Maalaca Leanoca. A Masikili i Amani na Eseraaiti.